Gosewe laba 22:15 - O Debleskro Drom 2021 (Sinte)

¹⁵ Tikne tchawe krenn dinelo koowa. Te chan le dawa, krenn le kowa buder gar.

O Debleskro Lab 2024 (Sinte-Manouche)

¹⁵ Tikne čave krenn dinelo koova. Te rhan le dava, krenn le kova bouder gar.

Gosewe laba 22:15 ပူးပေါင်းရင်းမြစ်များ

Hiob 14:4

I tsele menshen hi doosh ap pende. Har nai well lendar jek, koles kek doosh ap peste hi?

Debleskri gili 51:5

Awa, djinau, kai anom doosh ap mande. Un ko tchilatcho koowa, hoi krom, hi man o tselo tsiro glan mire jaka.

Gosewe laba 13:24

I dad, kai peskro tchaweste kek phagi dell, krell leske gar mishto. Koon les kamell o djijestar, kowa rikrell pes gar pale, te dell lo les i phagi.

Gosewe laba 19:18

Tchinge tiro tchaweha jaake rah har job terno hi, un ap tute shunella. De jak, te dess les gar jaake, te merell lo.

Gosewe laba 20:30

Ratle dawa lenn o tchilatchepen krik. Un dawa djan koleske, kai dino well, an o dji.

Gosewe laba 29:15

Te lell i tchawo i phagi un well leske penlo, hoi lo gar mishto kras, palle well lo gosewo. I tchawo, kai ap peste kokres jak hunte dell, sawo anell ladj ap peskri date.

Gosewe laba 29:17

Sike tiro tchawes soreles, hoi lo gar mishto kras. Palle krell lo tut bachtelo. Un tu hunte ladjess leske gar.

Johanni 3:6

Koon i menshestar boldo wella, hi i mensheskro tchawo. Koon dran o Debleskro Ducho boldo wella, hi i Debleskro tchawo.

Efesarja 2:3

His i tsiro, kai djiwam mer halauter har jon, un kram o tchilatchepen, hoi an mende hi. Mer kram, hoi mer kamam, un hoi menge an o shero was. Un o Debleskri choli his ninna pral mende har pral kol wawar menshende.