Gosewe laba 22:11 - O Debleskro Drom 2021 (Sinte)

¹¹ Kowa, koles i djudjo dji hi un latchepen rakrell, koleskro maal hi o baro rai.

O Debleskro Lab 2024 (Sinte-Manouche)

¹¹ Kova, koles i djoudjo dji hi oun lačepen rakrell, koleskro maal hi o baro ray.

Gosewe laba 22:11 ပူးပေါင်းရင်းမြစ်များ

1. Rajengro liil 4:5

O rai pral kol pralstunende, kai his tardo pral o them, his: o Asarja, koleskro dad o Natan his. O baro rajeskro maal his: o Sabud, koleskro dad o Natan his.

Ester 10:3

jaake te was o biboldo Mordekai o duito pal o baro rajeste Ahasveros. Un job his baro pash i biboldende un latches an-diklo pash i tsele biboldende. Job rodas o latchepen lenge un rakras, hoi leskre menshenge ko feteder his.

Debleskri gili 101:6

Mire jaka rodenn pal kolende an o them, kai rikrenn pen ap tire laba, te djiwenn jon pash mande. Kolen, kai o tchatcho drom djan, lau me pash mande, te budrenn le mange.

Debleskri gili 24:4

Kawa, ap koleskre wasta kek doosh hi, un koles i djudjo dji hi. Kowa, kai djiwell gar peskro djipen ap chochepen, un dell pes gar chocheni sowel.

Debleskri gili 45:2

Miro dji hi pherdo shukar laba i giljake, hoi kamau te giwap miro baro rajeske. Miri tchip hi har i tchinepaskro jekestar, kai haiwell mishto laba te tchinell.

Gosewe laba 14:35

I baro rai dikell latches ap peskro budepaskro, kai lauter mishto haiwell. Un leskri choli well ap koleste, kai wi-ladjedo koowa krell.

Gosewe laba 16:13

I mensho, kai o tchatchepen rakrell, krell, te dikell o baro rai latches ap leste. Job kamell o murshes o labestar.

Gosewe laba 22:12

O baro Dewel dell jak, te well diklo, haweskre laba mishto un tchatcho hi. Un job tchakrell kol laba pre, hoi i phukepaskro rakras.

Sikepaskro 10:12

O rakepen hoi dran o goseweskro mui win wella, anell leske an-dikepen, o dineleskro rakepen chal les pre.

Daniel 3:30

Pal kowa das o baro rai kol triin murshende bud penepaske an o them Babilonia.

Mateo 5:8

Bachtele hi kolla, kai hi len i djudjo dji. Jon dikenn o Debles pengre jakentsa.

Louka 4:22

Lauter rakran lestar mishto, un leskro rakepen his lenge pherdo latchepen. Un jon kran bare jaka. Un jon penan: “Hi kawa gar o Josefeskro tchawo?”