Gosewe laba 21:5 - O Debleskro Drom 2021 (Sinte)

⁵ Rake tiro djijeha pral kowa, hoi kameh te krell, un palle kre les tiri tseli sorjah. Un tut well bud djipaske. Kowa, kai lauter sik sik krella, koles hi tchi.

O Debleskro Lab 2024 (Sinte-Manouche)

⁵ Rake tiro djiyeha pral kova, hoy kameh te krell, oun palle kre les tiri tseli zoryah. Oun tout vell boud djipaske. Kova, kay lauter sik sik krella, koles hi či.

Gosewe laba 21:5 ပူးပေါင်းရင်းမြစ်များ

Gosewe laba 10:4

Koon peskre wasta an i gali tchiddo mukell, kowa well tchorwelo. Koon bud budrell, kowa well brawelo.

Gosewe laba 13:4

Kowa, hoi jek kamell, kai kamell gar te budrell, well les gar. Kolenge, kai bud budrenn, hi doha koi.

Gosewe laba 14:29

Kowa, kai gar sik chojedo well, hi gosewo. Koon sik chojedo wella, sikrell har dinelo job hi.

Gosewe laba 19:2

Jek, kai peskro koowa gar haiwell, hi tchi moldo, ninna te budrell lo sik. Kowa, kai sik nashell, perell.

Gosewe laba 20:21

Te kameh sik kowa te lell, hoi jek tire phurendar peskre menshenge pale mukell, palle anell kowa tuke kek bacht.

Gosewe laba 28:22

Koles, kai bok pal i lowe hi, nashell o brawlepen palla, un djinell gar, te well jaake o tchorwlepen pral leste.

Gosewe laba 29:20

Dikeh tu i murshes, kai sik ap o rakepen hi, i dineleske nai djal feteder har saweske.

Efesarja 4:28

Koon tchoras an peskro phuro djipen, kowa tchorell buder gar! Job hunte budrell peskre wastentsa, te well les doha djipaske, un te nai dell lo ninna i tchorwelen tchomone.