Gosewe laba 21:4 - O Debleskro Drom 2021 (Sinte)

⁴ I tchilatchen hi i pre-phurdo dji un jaka, hoi tele dikenn ap i wawarende. Kowa hi lengri doosh.

O Debleskro Lab 2024 (Sinte-Manouche)

⁴ I čilačen hi i pre-phourdo dji oun yaka, hoy tele dikenn ap i vavarende. Kova hi lengri doosh.

Gosewe laba 21:4 ပူးပေါင်းရင်းမြစ်များ

Hiob 18:5

Na-a, o djipaskri momeli o tchilatchestar djal win. Un leskri jag chatchell buder gar.

Hiob 18:6

An leskro kheer well tamlo. Un koi momeli pral leste djal win.

Debleskri gili 10:4

O tchilatcho rikrell o nak pral un penell peske: O Dewel putchell gar palla. Lauter, hoi leske an o shero trujel djala, hi: Dell kek Dewel.

Debleskri gili 101:5

Koon rakrell tchorchanes djungelo koowa pal o dumo kolendar, kai trul leste hi, koles pandau leskro mui. Kamau koles gar, kai pre-phurdo hi, un ap wawar menshende tele dikell.

Debleskri gili 131:1

I gili o Davidestar te giwell ap o drom an Jerusalem. Baro Dewel, me hom gar pre-phurdo, un mire jaka dikenn gar tele ap i wawarende. Me kamau gar baro koowa, witar gar sawo koowa, hoi dur pral mande hi.

Gosewe laba 15:8

O baro Dewel dikell chojedes ap kowa, hoi o tchilatcho leske anell. Te mangenn les kolla an, kai an o tchatchepen tardo hi, dikell lo latches ap lengro mangepen.

Gosewe laba 21:27

Kowa, hoi anenn i tchilatche o baro Debleske, hi djungeles glan leskre jaka. Har bud budeder, te krenn le kowa dran i tchilatcho dji.

Gosewe laba 24:20

Kolenge, kai tchilatcho hi, well kek latcho tsiro. Lengro djipen hi har i momeli, hoi djal win.

Gosewe laba 30:13

Hi menshe koi, kai patsenn pendar, har latcho jon hi, un dikenn tele ap hako wawareste.

Gosewe laba 6:16

Shob koowa hi, ap kolende dikell o baro Dewel chojedes; un i eftato koowa hi leske o djungleder:

Gosewe laba 6:17

jaka, kai dikenn tele ap i wawarende; i mui, hoi rakrell chochepen; wasta, hoi marenn sawen, kai kek tchilatchepen kran;

Gosewe laba 8:13

Kowa, kai kamell o baro Debleha te djiwell, kowa kamell o tchilatchepen gar glan peskre jaka te dikell, kowa dikell gar tele ap o wawareste un phurdell pes gar pre, kowa djal gar i tchilatcho drom, un rakrell kek chochepen.

Jesaja 10:12

An ko tsiro, kai kras o baro Dewel, maro rai, lauter, hoi job peske glan las, te krell lo ap i berga Zion un an Jerusalem, lell lo peske o baro rajes o themestar Assur glan, koleskro dji jaake pre-phurdo hi, un koleskre jaka tele dikenn ap i wawarende.

Jesaja 2:11

Hakeno, kai dikell tele ap o wawareste, hunte dikell tele glan peste i ladjatar. Un i pre-phurde menshe wenn phagedo. Ap ko diwes hi kokres o baro Dewel baro.

Jesaja 2:17

Palle well lenge kowa krik lino, koleha i menshe phurdan pen pre. Un lengro sharepen atchell gar. Ap ko diwes hi kokres o baro Dewel o Dewel pral halauter.

Jesaja 3:16

Un o baro Dewel penas: Dikenn, har pre-phurde jon hi, kol djuwja an o foro Jerusalem! Lengre sherja hidjrenn le pre, witsrenn pengre jakentsa trujel, te dikenn len hakeno. Jon khelenn pash o naashepen. Lengre pire hadenn le jaake, te bashrenn kol werklia, hoi le trul pengre pire tchiwan.

Louka 11:34

O mensheskro jak hi har i momeli an i kheer. Te dikeh kokres ap o Debleste, hi kowa jaake, har te chatchell koi momeli mishto. Te dikeh ap wawar koowa un gar ap o Debleste, hi kowa jaake, har te chatchell kek momeli an kau kheer.

Louka 18:14

Un o Jesus penas: “Me penau tumenge: O Dewel dikas ap kaleste, un his leske latcho un gar ko wawareske. Kowa, kai pes bares krella, koles sharell o Dewel gar. Un kowa, kai pes gar bares krella, koles krell o Dewel bares.”

Remarja 14:23

Koon chal tchomone, un leskro dji well pharo koi pashel, kowa kras tchomone, hoi was gar dran o patsepen. Doleske anas lo doosh ap peste. Kowa, hoi well gar dran o patsepen, anell doosh ap mende.

1. Petro 5:5

Kol terne menshenge penau me: Krenn kowa, hoi kol phureder phrala tumenge penenna! Hakeneske penau: Kek te krell, har te well lo bareder har ko wawar! O Dewel hi gar ap i rig kolendar, kai krenn pen bares. Na-a, job hi latches kolenge, kai krenn pen gar bares.