Gosewe laba 21:2 - O Debleskro Drom 2021 (Sinte)

² Hako drom i menshestar hi mishto an peskre jaka. O baro Dewel dikell palla, hawo dji koi palla tardo hi.

O Debleskro Lab 2024 (Sinte-Manouche)

² Hako drom i menshestar hi mishto an peskre yaka. O baro Devel dikell palla, havo dji koy palla tardo hi.

Gosewe laba 21:2 ပူးပေါင်းရင်းမြစ်များ

Hiob 31:6

Me mangau o Debles, te dikell lo palla an o tchatchepen: Lom me doosh ap mande oder gar? Palle dikell lo, te hom an o tchatchepen tardo.

Debleskri gili 36:2

O tchilatchepen hi o tchilatcheske an o rat. Job kamell o Deblestar tchi te djinell un darell lestar gar.

Gosewe laba 12:15

O drom, kai o dinelo djal, hi an leskre jaka tchatcho. I gosewo mensho shunell ap kowa, hoi wawar leske penenn, te krell lo.

Gosewe laba 16:2

Hako drom hoi i mursh djal, hi an leskre jaka tchatcho, o baro Dewel dikell dur an leskro dji.

Gosewe laba 16:25

Kote dell i drom, kowa i mursheske tchatches win dikell, pal i tsiro anell lo les an o merepen.

Gosewe laba 17:3

Jaake har o rup an i jag tchiddo well, un o sonakai an i bob, jaake lell o baro Dewel i menshengre djia an o jak.

Gosewe laba 20:6

Bud menshe sharenn pen pengro latchepah. Nai hatseh tchatchepah i murshes o labestar?

Gosewe laba 24:12

Te peneh tu: Mer djinam kowa gar! Palle djiness: Kowa, kai an i djia dikell, haiwell les. Un kowa, kai ap tiro djipen jak dell, kowa djinell les. Un job dell o menshes kowa pale, hoi lo kras.

Gosewe laba 30:12

Hi menshe koi, kai an pengre jaka djudjo hi, un lengro djungelo koowa was gar tele thodo.

Jeremia 17:10

Me, o baro Dewel prindjrau o mensheskro dji, un dikau dur dren an kowa, hoi an leste hi, un dau hakeneste pal kowa, hoi job kras.

Daniel 5:27

‘Tekel’ kharell ‘ap i waga tchiddo’. Tu wal ap i waga tchiddo, un hal gar phares doha.

Louka 16:15

Koi penas o Jesus ap lende: “Glan i menshengre jaka kamenn tumer latcho te well. O Dewel prindjrell tumaro dji. Hoi pash i menshende bud molella, hi tchi moldo an o Debleskre jaka.

Galatarja 6:3

Koon patsella, kai job feteder hi har ko wawar, un hi kowa gar, kowa chochell pes kokres.

Jakobo 1:22

Hi gar doha, te shunenn leskro lab. Tumer hunte krenn, hoi ko lab penella. Tumer te krenn kowa gar, palle chochenn tumen kokres.

Debleskro tsiro 2:23

Un kolakre tchawen dau mulo. Palle haiwenn i tsele patsle, te hom me kowa, kai halauter prindjrella, hoi i menshen an o shero un an o dji hi. Un hakeno, kai tchilatcho koowa kras, kowa lell mandar koi phagi pal kowa, hoi job kras.

1. Samuel 16:7

O baro Dewel penas ap o Samuel: “Ma dik ap kowa, har job win dikella un har baro job hi! Koles rodom me gar win. O baro Dewel dikella gar ap kowa, kai i menshe pre dikenna. I menshe dikenn ap kowa, hoi glan lengre jaka hi, o baro Dewel dikella ap o dji.”