Gosewe laba 21:11 - O Debleskro Drom 2021 (Sinte)

¹¹ Te lell i pre-phurdo peskri phagi, wenn ninna kolla gosewo, kolen tchi an o shero hi. Te aneh i goseweske tchomone pashel, djinell lo budeder.

O Debleskro Lab 2024 (Sinte-Manouche)

¹¹ Te lell i pre-phourdo peskri phagi, venn ninna kolla gosevo, kolen či an o shero hi. Te aneh i goseveske čomone pashel, djinell lo boudeder.

Gosewe laba 21:11 ပူးပေါင်းရင်းမြစ်များ

Gosewe laba 1:5

Kolla, kai gosewo hi, shunenn, har te wenn le gomme gosweder. Kolla, kai siklo hi, hatsenn, har te djan le pengro drom.

Gosewe laba 15:14

Jek, kai haiwell, hoi mishto un gar mishto hi, kowa rodell, har te djinell lo gomme budeder. O narwelo bokell pal dinelo koowa.

Gosewe laba 18:1

Koon pes i wawarendar krik rikrella, rodell, hoi peske kokres shukar hi, un kamell gar dren te dikell, hoi latcho leske wals.

Gosewe laba 18:15

I gosewo mensho kamell bud te djinell, un krell peskre kanda pre, te haiwell lo, hoi tchatcho hi.

Gosewe laba 19:25

Te deh tu jekes, kai pral halauter sal, palle wenn kolla gosewo, kolen tchi an o shero hi. Un te tchingreh koleha, kai haiwell, hoi mishto un gar mishto hi, palle haiwell lo gomme budeder.

Gosewe laba 9:7

Te kameh i pre-phurdes tchomone pashel te anell, palle praassell lo tut. Te peneh i tchilatcheske, te kras lo, hoi gar mishto hi, palle dukell lo tut.

Gosewe laba 9:9

Pen i goseweske kowa, hoi job gar mishto kras! Palle well lo gomme gosweder. An koleske tchomone pashel, kai an o tchatchepen tardo hi! Palle djinell lo gomme budeder.

4. Mose 16:34

Har i wawar Israelitarja, kai trul lende his, shunan, har jon gole dan, nashan le penge. Jon trashan, te chal len i phub ninna pre.

Bičepangre 5:5

Har o Ananias kol laba shunas, peras job khetne un meras. Un i bari traash was ap kolende, kai shunan kowa.

5. Mose 13:11

Job kamas tut krik te anell tiro baro Deblestar, kolestar, kai tut win anas dran o pandepen an o them Egiptia. Doleske hunte well job mules witsedo i barrentsa.

5. Mose 21:21

Un i tsele mursha dran ko foro hunte witsrenn barra ap leste, bis te hi lo mulo. Jaake witsrenn tumer o tchilatchepen dran tumende win. Un i tsele Israelitarja hunte shunenn kolestar un darenn.

Debleskro tsiro 11:13

Un ap jek kopo trissas i phub soreles. Un o deshto kotar ko forestar peras khetne. Un efta serja (7.000) menshe wan maredo. Un kol wawaren tapras i bari daar, un jon sharan o Debles, kai an o bolepen hi.