Gosewe laba 20:8 - O Debleskro Drom 2021 (Sinte)

⁸ I baro rai, kai o tchatchepen win rakrella pral i menshende, hatsell kolen win, kai tchilatcho hi.

O Debleskro Lab 2024 (Sinte-Manouche)

⁸ I baro ray, kay o čačepen vin rakrella pral i menshende, hatsell kolen vin, kay čilačo hi.

Gosewe laba 20:8 ပူးပေါင်းရင်းမြစ်များ

2. Samuel 23:4

kowa hi har o kham, kai djal pre taissarlakro, ap i diwes, kai kek wolke hi. Kowa hi har ko senlepen, hoi well pal o brishino dran i phub win.”

1. Rajengro liil 7:7

Job mukas pes ninna i kheer te krell, kai leskri beshepaskri tardo his, un kai job o tchatchepen win rakras pral i menshende. Kau kheer was kharedo “Tchatchepaskro Kheer.” Kau kheer mukas lo fun tel bis pral zedertikro kashteha win te tchiwell.

Debleskri gili 72:4

O baro rai mu rakrell i tchorwelenge mishto, un well ap i rig kolendar, kai tele rikedo wenn, un stakrell kolen khetne, kai len dukrenna.

Debleskri gili 92:9

Tu, baro Dewel, hal o pralstuno, un atcheh hake tsirenge.

Debleskri gili 99:4

Tuke hi bari soor. Tu hal o baro rai, kai kamell o tchatchepen o djijestar. Tu penal, hoi tchatcho hi, un tchiwal o tchatchepen pre an o them Israel, te djan i tchatchepangre mursha pal o tchatchepen.

Gosewe laba 16:12

Te krenn bare raja tchilatcho koowa, hi kowa i djungelo koowa glan o Debleste. Te krenn le o tchatchepen, atchell lengri rajeskri beshepaskri soreles tardo.

Gosewe laba 20:26

I baro rai, kai gosewo hi, hatsell i tchilatchen dran peskre menshende win, un les hi kek dji lenge un dell len pengri phagi.

Gosewe laba 25:5

Le o tchilatches krik o baro rajestar, palle atchell job i baro rai, kai an o tchatchepen tardo hi.

Gosewe laba 29:14

I baro rai, kai dell i tchorwelen lengro tchatchepen, atchell rai i rah tsiro.

Jesaja 32:1

Sik well i baro rai, kai krell halauter an o tchatchepen, un i pralstune pral o them denn hakenes peskro tchatchepen.

Mateo 12:30

Koon gar ap miri rig hi, kowa hi ap ko wawareskri rig. Un koon gar i menshe pash mande anella, kowa tradell len mandar.