Gosewe laba 20:22 - O Debleskro Drom 2021 (Sinte)

²² Ma le tuke glan, te dess o tchilatchepen pale, hoi jek ap tute kras. Dik ap o baro Debleste! Kowa lell tiro koowa an peskro wast.

O Debleskro Lab 2024 (Sinte-Manouche)

²² Ma le touke glan, te dess o čilačepen pale, hoy yek ap toute kras. Dik ap o baro Debleste! Kova lell tiro koova an peskro vast.

Gosewe laba 20:22 ပူးပေါင်းရင်းမြစ်များ

2. Samuel 16:12

Nai well, kai o baro Dewel dikell miri bibacht, un krell latchepen dran ko praassepen.”

Debleskri gili 27:14

Rike tut ap o baro Debleste tiro tselo djijeha! Ab soreles, un ma traash, un rike tut ap o baro Debleste!

Debleskri gili 37:34

Dik ap o baro Debleste, te well lo ap tiri rig! Un atch ap leskro drom! Palle hadell lo tut un dell tut ko them. Un tu dikeh, har wenn i tchilatche maredo.

Debleskri gili 37:40

Un o baro Dewel hi pash lende tardo, un lell len win, awa, dran o wast i tchilatchendar lell lo len win. Jon nashenn pash leste, un job dell garda ap lende.

Gosewe laba 17:13

Koleske latchepen kerdo was, un job tchilatchepen pale das, dran koleskro kheer djal i bibacht buder gar krik.

Gosewe laba 19:11

Koles tchatcho goswepen hi an o dji, kowa well gar sik chojedo, un dikell gar ap i doosh i wawarendar. Doleske dikenn le pre ap leste.

Gosewe laba 20:21

Te kameh sik kowa te lell, hoi jek tire phurendar peskre menshenge pale mukell, palle anell kowa tuke kek bacht.

Gosewe laba 24:29

Ma pen: “Jaake har job mange kras, krau me leske ninna. Hakeneste dau pale, har job mange kras.”

Jesaja 40:31

Kolla, kai ap o baro Debleste dikenn, lenn newi soor. Jon hadenn pen har bare tchirkle hadenn pen pengre mussjentsa. Jon nashenn un lengri soor djal gar krik. Jon djan trujel un wenn gar khino.

3. Mose 19:18

Ma de o tchilatchepen pale, hoi i wawar ap tute kras, un hidje leske tchi palla. Tu wess jaake latches ap leste, har hal latches ap tute kokres. Me hom o baro Dewel.

Mateo 5:39

Me penau tumenge: Ma hadenn tumaro wast ap koleste, kai kras tumen tchilatcho koowa! Te das tuke jek ap i tchatchi tcham, koleske rike ninna i serwi koi, te dell lo tut!

5. Mose 32:35

Job penell: Me hom kowa, kai dau len halauter ap lengro shero pale an ko tsiro, kai trissenn lengre herja. Gar dur hi o diwes, kai well lengri bibacht pral lende. Un kowa, hoi ap lende well, kowa well sikepah.

1. Tessalonikarja 5:15

Ma awenn tchilatcho ap kolende, kai tchilatcho ap tumende wan! Mukenn gar tele, te wenn latches ap hakeneste mashkral tumende, ninna ap i tsele wawar menshende!

1. Petro 2:23

Te tchingran le ap leste, tchingras job gar pale. Te dan le les, das lo len gar trad. Na-a, job tchiwas pes an o Debleskre wasta. Un o Dewel hi o tchatchepaskro rai, kai djal pal o tchatchepen.

1. Petro 3:9

Krenn kekeske tchilatchepen, kai kras ap tumende tchilatchepen! Jek te tchingrell ap tumende, ma tchingrenn pale! Rakrenn latche laba leha! O Dewel das tumen gole, te lenn tumer leskro latchepen.

1. Petro 4:19

Doleske penau tumenge: Te mukell o Dewel ap tumende i pharo tsiro te well, palle denn tumen tseles an o Debleskro wast, kai das tumen o djipen! Un mukenn gar tele, te krenn o latchepen!

1. Samuel 25:13

Kote penas o David ap peskre murshende: “Hakeno pandell peskro charo trul peste!” Un jaake kran le. Un o David tchiwas peskro charo ninna trujel. Un jon djan pal o Davideste: jaake 400 (star-sheel) mursha. Un 200 (dui-sheel) atchan pale ap i platsa, te denn le pre jak.