Gosewe laba 20:18 - O Debleskro Drom 2021 (Sinte)

¹⁸ Rake i wawarentsa pral kowa, hoi tuke glan lal, te well kowa mishto. Kowa hunte kress, hoi tut ninna glan hi, har bud budeder te kameh i kurepen te krell.

O Debleskro Lab 2024 (Sinte-Manouche)

¹⁸ Rake i vavarentsa pral kova, hoy touke glan lal, te vell kova mishto. Kova hounte kress, hoy tout ninna glan hi, har boud boudeder te kameh i kourepen te krell.

Gosewe laba 20:18 ပူးပေါင်းရင်းမြစ်များ

1. Rajengro liil 1:12

Kanna, shun, hoi tuke penau, te nai rikress tu tiro djipen un o djipen tiro tchawestar Salomo.

2. Rajengro liil 18:20

Patseh tchatchepah, tire labentsa nai weh o gosweder un o sorleder an i kurepen? Ap koneste dikeh, te well lo tuke ap i rig, kai peral mandar tele un hadal tut pral mande?

Gosewe laba 11:14

Kote, kai kek an o them hi, kai i menshenge o drom sikrell, djan le tele. Kote, kai bud penenn, har nai dureder djal, djal i menshenge mishto.

Gosewe laba 15:22

Kowa, hoi jekes an o shero hi, djal gar mishto, te putchell lo gar i wawarendar, hoi jon patsenna. Kote, kai bud menshe hi, kai denn pengro goswepen pashel, kote djal mishto.

Gosewe laba 24:6

Te kamell lo i kurepen te krell, hunte haiwell lo mishto, har te djal glan. Un kote, kai bud mursha pengro goswepen khetne tchiwenn un pral rakrenn, hoi mishto wals, djal lengro kurepen mishto.

Gosewe laba 25:8

Ma dja sik pash i tchatchepangre murshende, te peness lenge, hoi dikal. Te well palle i wawar un sikrell, kai hi tut gar tchatcho, hoi kreh tu palle?

Louka 14:31

Te kamell i baro rai an o kurepen te djal i wawar baro rajeha, hunte putchell lo pestar: Hom me sorelo doha mire deesh serja lurdentsa, te kurap man ko wawar baro rajeha, kai biish serja lurde pash leste hi?

Čačepangre 19:30

Un hakeno, kai kowa dikas, penas: “Sawo koowa har kawa was gomme gar kerdo jaake rah har o Israel dran Egiptia djas bis kanna. Kanna mukenn kowa an tumare sherja trujel te djal, rakrenn khetne, un penenn, hoi kanna kerdo hunte well!”

Čačepangre 20:18

Un i Israelitarja kran pen pre, un djan an o foro Betel, un putchan o Deblestar: “Koon mendar hunte djal glan win, te marell lo pes i Benjaminentsa?” Un o baro Dewel penas: “O Juda djal glan!”

Čačepangre 20:7

Un kanna han tumer Israelitarja lauter kate khetne. Rakrenn khetne un penenn, hoi kerdo hunte well!”

Čačepangre 9:29

Te wals man penepaske kate, palle tradoms me o Abimeleches un penoms ap leste: ‘De tire kurepangre khetne gole un ab win, un kure tut mentsa!’”