Gosewe laba 20:13 - O Debleskro Drom 2021 (Sinte)

¹³ Te kameh o sopen, weh tchorwelo. Kre sik taissarlakro tire jaka pre, palle well tut doha chapaske.

O Debleskro Lab 2024 (Sinte-Manouche)

¹³ Te kameh o sopen, veh čorvelo. Kre sik taysarlakro tire yaka pre, palle vell tout doha rhapaske.

Gosewe laba 20:13 ပူးပေါင်းရင်းမြစ်များ

Gosewe laba 10:4

Koon peskre wasta an i gali tchiddo mukell, kowa well tchorwelo. Koon bud budrell, kowa well brawelo.

Gosewe laba 12:11

Koon ap peskro kotar phub budrell, koleske well bud maro. Koon sawo koowa pal nashell, hoi tchi moldo hi, kowa hi narwelo.

Gosewe laba 13:4

Kowa, hoi jek kamell, kai kamell gar te budrell, well les gar. Kolenge, kai bud budrenn, hi doha koi.

Gosewe laba 19:15

Kowa, kai kamell gar te budrell, well khino. Mukell lo peskre wasta an i gali tchiddo, well ko tsiro, kai hunte bokell lo.

Gosewe laba 20:14

“Kawa hi tchi moldo”, penell o ginepaskro. Un te djal lo peske, palle sharell lo les!

Gosewe laba 28:19

Kowa, kai ap peskri phub budrell, les hi doha maro. Kowa, kai tchi-moldo koowa krell, well tchorwelo.

Gosewe laba 31:15

Joi stell pre, kote hi gomme rati, un krell o chapen peskro khereske, un penell i djuwjenge, kai lake budrenn, hoi te krenn le.

Jona 1:6

Kote was ko rai pral kau shiffo pash leste un putchas lestar: “Hoi hi kanna tuha? Hoske soweh tu? Ste pre, un khare tiro debles an! Nai well, tiro dewel dikell kamles ap mende, te meras gar!”

Remarja 12:11

Ma awenn khino! Krenn tumari budi i tseli sorjah! Halauter, hoi tumer krenna, krenn o Jesuseske, maro rajeske!

Remarja 13:11

Denn jak, te krenn kowa! Tumer haiwan, hawo tsiro kanna hi. O diwes well sik, kai well o Jesus Kristo pale. Har wan tumer patslo, his ko tsiro dur tumendar. Kanna hi ko diwes buder gar dur tumendar. Doleske hunte was gar har menshe, kai sowenna.

1. Korintarja 15:34

Djan o tchatcho drom! Ma pijenn tumen mato! Djiwenn buder gar an o tchilatchepen! Mank tumende hi menshe, kai djinenn gar, koon o Dewel hi. Un kowa penau tumenge, te ladjenn tumen.

Efesarja 5:14

Un kowa, hoi diklo wella, atchell gar an o tamlepen. Doleske giwah mer an i gili: “Tu, kai soweh, ste pre! Ste i mulendar pre! Un o Kristo well tuke har i momeli.”

2. Tessalonikarja 3:10

Ninna har pash tumende hams, penam tumenge: Kowa, kai kamell gar te budrell, kowa hunte chal witar gar.