Gosewe laba 20:1 - O Debleskro Drom 2021 (Sinte)

¹ Te pijeh i sorelo pipen, weh diwjo un saneh pral lautereske. Kowa, kai jaake bud pijell, te well lo mato, koles hi kek goswepen.

O Debleskro Lab 2024 (Sinte-Manouche)

¹ Te piyeh i zorelo pipen, veh divyo oun saneh pral lautereske. Kova, kay yaake boud piyell, te vell lo mato, koles hi kek gosvepen.

Gosewe laba 20:1 ပူးပေါင်းရင်းမြစ်များ

2. Samuel 11:13

Un o David mukas les pash leste te well. Un o Urija chas un pijas pash o Davideste. Un o David kras les mato. Un i rati djas o Urija win, te tchiwell lo pes tele ap peskro tchiben pash kol lurdende leskro rajestar. Un djas gar tele an peskro kheer.

2. Samuel 13:28

O Absalom penas ap peskre lurde: “Denn jak! Te pijas pes o Amnon mato, un te penau me ap tumende: ‘Denn o Amnones khetne!’ palle denn les mulo! Ma trashenn! Me penom tumenge, te krenn kowa. Awenn tchatche mursha un krenn kowa kek trashah!”

Gosewe laba 23:20

Ma ab mank kolende, kai pen mates pijenn, witar gar mank kolende, kai budeder mass an pende dren chan har mishto hi.

Gosewe laba 31:4

Ma pi tut mates! Mool un chatchedo pipen hi tchi bare rajenge un pralstunenge.

Jesaja 28:7

Ninna i rashaja un o Debleskre rakepangre hi mato i moljatar, un perenn jek rigjatar ap i wawar o sorelo pipastar, hoi le pijan. Jaake bud mool un sorelo pipen pijan le, te nai atchenn le buder gar tardo. Te rakrenn le o Debleskro lab win, hi le mato koi pashel. Te krenn le o tchatchepen win, perenn le jek rigjatar ap i wawar.

Jesaja 5:11

Djungelo djal kolenge, kai stenn pre taissarlake, te djan le an i kertchima, un rati gomme koi beshdo hi un mato wenn!

Jesaja 5:22

Djungeles djal kolenge, kai hi tchatche mursha pash o pipen, un sorele mursha te krenn le chatchedi.

Jesaja 56:12

Jon denn gole: Awenn kai, me kamau mool te anell, te pijas men mates! Un taissar krah har kau diwes, un gomme shukeder!

Hosea 4:11

Mool – phuri mool un newi mool – krenn, te haiwenn i menshe buder gar, hoi latcho un hoi tchilatcho hi.

Hosea 7:5

Ap maro baro rajeskro diwes pijenn pen i pralstune mates i moljatar. Un o baro rai beshell pes khetne kolentsa, kai san pral halauter.

3. Mose 10:9

“Tu un tire mursh tchawe, ma pijenn mool un sorelo pipen, te kamenn an miro kheer te djal, te hunte merenn gar. Ap kowa hunte rikrenn tumen un tumare tchawe kanna un hako tsiro.

Habakuk 2:5

O brawlepen chochell o menshes. O pre-phurdo mensho atchella gar, ninna te krell lo peskro mui dur pre, har ko mulengro them, hoi well gar tchalo, ninna te lell lo jek them pal o wawar peske dren.

1. Korintarja 6:10

witar gar i tchorepangre, witar gar kolla, kai ap i lowe pandlo hi, i dre-phagepangre, i pipangre un kolla, kai praassenn i wawaren, – kolla lauter wenna gar pash o Debleste an o bolepen.

Galatarja 5:21

Jon kamenn kowa, hoi o wawares hi. Jon hi pipangre un chapangre. Un bud wawar tchilatcho koowa krenn jon. Me penom tumenge un penau pale: Koon jaake djiwella, well gar pash o Debleste an o bolepen un lell gar ko latcho koowa, hoi o Debles peskre tchawenge hi.

Efesarja 5:18

Ma pijenn jaake bud mool, te wenn mato! Te han mato, palle krenn tumer hako dinelo koowa. Mukenn o Debleskro Ducho o rai an tumende te well, un wenn pherdo lestar!