Gosewe laba 2:7 - O Debleskro Drom 2021 (Sinte)

⁷ Kolen, kai an o tchatchepen tardo hi, dell lo, hoi len hunte well. Un dell jak ap kolende, kai leskro drom djan, te krell lenge kek tchomone.

O Debleskro Lab 2024 (Sinte-Manouche)

⁷ Kolen, kay an o čačepen tardo hi, dell lo, hoy len hounte vell. Oun dell yak ap kolende, kay leskro drom djan, te krell lenge kek čomone.

Gosewe laba 2:7 ပူးပေါင်းရင်းမြစ်များ

Hiob 28:8

Kek lewo un kek wawar diwjo viecho djas ap ko drom, hoi kote djal.

Debleskri gili 144:2

Job well ap miri rig, un hi mange har i sorelo kheer, kai nai khatrau man, un kek man an-taprell. Job rikrell peskre wasta pral mande, Ap leste rikrau man. Job stakrell i menshen dran wawar themma tel mire herja.

Debleskri gili 3:4

Tu, baro Dewel, rike tiro wast pral mande! Tu hal kowa, kai miro shero pale hadell, te hunte ladjap man gar.

Debleskri gili 84:11

Jek diwes ap i platsa glan tiro kheer hi feteder har i serja wawar diwessa. Me kamau budeder te wap tardo pash o wudar glan tiro kheer, har te djiwap pash i tchilatchende.

Gosewe laba 14:8

O gosewo dell jak har lo djiwell, doleske hi lo gosewo. I narwele perenn hako kopo ap dinlepen dren. Un jaake chochenn le pen kokres.

Gosewe laba 28:18

Kowa, kai i djudjo djipen djiwell, well win lino dran i bibacht. Kowa, kai ap dui dromma djal, perell ap jekeste.

Gosewe laba 30:5

O Dewel rikrell hako lab, hoi das lo. Job rikrell peskre wasta pral kolende, kai wenn pash leste, te dell lo jak ap lende.

Gosewe laba 8:14

Mire labentsa sikrau jekeste o drom, un krau leskre jaka pre. Djinau, hoi mishto un gar mishto hi, un man hi i soor.

1. Korintarja 1:19

O Dewel penella an peskro lab: Pash mande molell o menshengro goswepen tchi. Un kolla, kai penenn, te djinenn le bud, kolende sikrau, kai kowa tchi moldo hi, hoi jon djinenna.

1. Korintarja 1:24

Mank kolende, kolen o Dewel peske win rodas, hi bibolde un sawe, kai kek bibolde hi. Jon te shunenn o lab o Jesus Kristestar, palle dikenn le an leste o Debleskri soor un leskro goswepen.

1. Korintarja 1:30

O Dewel kras, te wan tumer ap o Jesus Kristeskro drom. Kanna djinah, hoi tchatchepah goswepen hi. O Jesus Kristo kras men tchatcho glan o Debleste. Job rodas men win, te was leske koi, un las mari doosh mendar krik.

Kolossarja 2:3

Job kokres nai dell tumen o tselo goswepen, te haiwenn o Debleskro lab mishto.