Gosewe laba 2:21 - O Debleskro Drom 2021 (Sinte)

²¹ Kolla, kai an o tchatchepen tardo hi, un o Debleskro drom djan, djiwenn an kau them un atchenn koi dren.

O Debleskro Lab 2024 (Sinte-Manouche)

²¹ Kolla, kay an o čačepen tardo hi, oun o Debleskro drom djan, djivenn an kava them oun ačenn koy dren.

Gosewe laba 2:21 ပူးပေါင်းရင်းမြစ်များ

Hiob 1:1

An o them Uz djiwas i mursh, kowa kharas Hiob. Job his an o tchatchepen tardo, un kek doosh his ap leste. Job mangas o Debles an, un rikras pes dur krik o tchilatchepastar.

Hiob 42:12

Un o baro Dewel tchiwas budeder bacht ap o Hiob har glan kowa. Un job las 14.000 (deesh-te-star-serja) bakre un 6.000 (shob-serja) khamele un 2.000 (dui serja) grumja un 1.000 (jek sero) burike.

Debleskri gili 37:11

I tchorwele lenn ko them. Kote hi len budeder bacht har doha.

Debleskri gili 37:18

O baro Dewel prindjrell i diwessa kolendar, kai ap leste shunenna pengro tselo djijeha, un lengro them atchell lenge hako tsireske.

Debleskri gili 37:22

Kol menshe, ap kolende o baro Dewel peskri bacht tchiwas, lenn ko them. Kolla, ap kolende o baro Dewel i bibacht tchiwas, kolendar atchell kek.

Debleskri gili 37:29

Kolla, kai an o tchatchepen tardo hi, lenn o them, un djiwenn kote hako tsireske.

Debleskri gili 37:3

Dik ap o baro Debleste, te krell lo tuke latchepen! Un kre, hoi mishto hi! Atch an o them, un djib kolestar, hoi tire wastentsa budral!

Debleskri gili 37:9

I tsiro wella, kai hi buder kek tchilatche ap kai phub. Kolla, kai ap o baro Debleste dikenna, te well leskro tsiro, kolenge hi palle o them.

Debleskri gili 84:11

Jek diwes ap i platsa glan tiro kheer hi feteder har i serja wawar diwessa. Me kamau budeder te wap tardo pash o wudar glan tiro kheer, har te djiwap pash i tchilatchende.

Gosewe laba 10:30

Kowa, kai an o tchatchepen tardo hi, atchell hako tsiro soreles tardo. I tchilatche atchenn gar an o them.

Gosewe laba 28:10

Kowa, kai anell o Debleskre menshen ap i tchilatcho drom, kowa perell kokres an i gruba. Kolla, kai kek doosh ap pende anan, lenna latcho koowa.