Gosewe laba 2:10 - O Debleskro Drom 2021 (Sinte)

¹⁰ O Debleskro goswepen well an tiro dji, un hoi job tute sikrell, hi tuke shukar.

O Debleskro Lab 2024 (Sinte-Manouche)

¹⁰ O Debleskro gosvepen vell an tiro dji, oun hoy yob toute sikrell, hi touke shoukar.

Gosewe laba 2:10 ပူးပေါင်းရင်းမြစ်များ

Hiob 23:12

Me rikrom man ap hako lab, hoi was dran leskro mui. Un rikrom halauter an miro dji, hoi lo rakras.

Debleskri gili 104:34

Mu well miri gili leske shukar! Me hom bachtelo pral miro baro Debleste.

Debleskri gili 119:103

Tiro lab hi har i gudlo chapen mange, awa, gudleder har gwin hi lo.

Debleskri gili 119:111

Tire laba, hoi menge sikrenn, har te djiwas, hi mange kutch un atchenna mange hako tsiro. Awa, jon hi kolla, hoi miro dji bachteles krenn.

Debleskri gili 119:162

Pral tiro lab hom jaake bachtelo har jek, kai las bud brawlepen.

Debleskri gili 119:97

O djijestar kamau tiro drom te djal. O tselo diwes hi tire laba an miro shero.

Debleskri gili 19:10

Te hadau o baro Debles pre, hi kowa mishto. Hako tsiro well lo hadedo. O tchatchepen, hoi o baro Dewel win rakrella, hi lauter latcho un tchatcho.

Gosewe laba 1:4

Jaake wenn ninna kolla gosewo, kolen tchi an o shero hi. Un terne mursha haiwenn, hoi hunte krenn le, un dikenn dren, hoi mishto hi.

Gosewe laba 14:33

O goswepen hi khere an o dji kolestar, kai haiwell, hoi mishto un gar mishto hi. An i dinelengre djia hi kek goswepen.

Gosewe laba 22:18

Ma biste len! Har shukar hi, te nai peneh len dureder!

Gosewe laba 4:6

Ma muk o goswepen! Te hal gosewo, weh tu win lino dran o tchilatchepen. Te kameh o goswepen, hi lo har i sorelo kheer trul tute.

Jeremia 15:16

Baro Dewel, tu rai pral o bolepen un i phub, me hom tiro. Jaake was tiro lab miro chapen hako kopo, kai me kowa shunau. Te shunau tiro lab, giwell miro dji, un well pale sorelo.

Kolossarja 3:16

Ma mukenn tele, te rakrenn un shunenn o lab o Jesus Kristestar! Rakrenn les tumenge an o dji! Awenn gosewo koi pashel, te sikrell jek o wawareste, har te djal lo ap o Debleskro drom! Giwenn Debleskre gilja un sawe gilja, hoi sharenn o Debles, ninna sawe gilja, hoi o Debleskro Ducho an tumende tchiwella! Awa, giwenn o Debleske, un sharenn les an tumare djia!