Gosewe laba 19:7 - O Debleskro Drom 2021 (Sinte)

⁷ I phrala i tchorwelestar kamenn tchi lestar te djinell. Un har bud budeder rikrenn pen leskre mala lestar krik. Te kamell lo lentsa te rakrell, hi le buder gar koi.

O Debleskro Lab 2024 (Sinte-Manouche)

⁷ I phrala i čorvelestar kamenn či lestar te djinell. Oun har boud boudeder rikrenn pen leskre mala lestar krik. Te kamell lo lentsa te rakrell, hi le bouder gar koy.

Gosewe laba 19:7 ပူးပေါင်းရင်းမြစ်များ

Debleskri gili 38:11

Miro dji djal sikeder. Miri soor mukas man. Un mire jaka nashran pengri soor.

Debleskri gili 38:12

Mire mala un mire menshe darenn glan miro nasslepen. Un kolla, kai pash mande djiwenna, hi dur mandar krik tardo.

Debleskri gili 88:18

Jon wenn ap mande haki rigjatar, har baro diwjo pani hi le trul mande o tselo diwes.

Debleskri gili 88:8

Tiri choli hi phares ap mande tchiddo, un jaake har bud pani jekes tele tserdell, tserdeh tu man tele.

Gosewe laba 10:15

O brawlepen i brawelestar hi leske har i sorelo kheer. I bibacht o tchorwelestar hi leskro tchorwlepen.

Gosewe laba 14:20

Kek kamell o tchorweles, witar gar kowa, kai pash leste hi. O braweles hi bud mala.

Gosewe laba 18:23

O tchorwelo mangell o ropah, o brawelo rakrell pale i djijeha, hoi hi har i bar.

Gosewe laba 19:4

Brawele menshe hatsenn bud mala. I tchorweleskre mala djan penge lestar.

Gosewe laba 21:13

Kowa, kai jaake krell, har te shunell lo gar koi gole ko tchorwelestar, leske djala jaake, kai dell job ninna gole un kek shunell les.

Gosewe laba 27:10

Ma muk tiro males, witar gar tiro dadeskro males! Te djal tuke djungeles, ma dja an o kheer tiro phralestar. Hi feteder, te djas pash jekeste, kai gar dur tutar djiwell, har pash tiro phraleste, kai dur tutar krik djiwell.

Jakobo 2:6

Har hi kowa pash tumende? I tchorwele hi tumenge tchi moldo. I brawele hi tumenge budeder moldo. Un jon hi kolla, kai rikrenn tumen tele, un anenn tchilatcho koowa ap tumende un anenn tumen glan i tchatchepangre.