Gosewe laba 19:27 - O Debleskro Drom 2021 (Sinte)

²⁷ Miro tchawo, te mukeh tuke tchi buder te penell, palle djineh tu sik buder gar, hoi tchatcho hi.

O Debleskro Lab 2024 (Sinte-Manouche)

²⁷ Miro čavo, te moukeh touke či bouder te penell, palle djineh tou sik bouder gar, hoy čačo hi.

Gosewe laba 19:27 ပူးပေါင်းရင်းမြစ်များ

2. Samuel 13:5

Penas o Jonadab: “Tchip tut ap tiro tchiben, un kre har te wals nasselo! Te well tiro dad pash tute, peneh tu ap leste: ‘Muk miri phenjat Tamar te well, te krell joi mange chapaske, hoi nasslenge mishto hi! Kowa hunte krell joi glan mande, te dikap me kowa, un lap dran lakre wasta un chap.’”

2. Familjakro liil 10:10

Un kol terne mursha, kolla, kai wan leha bares, penan leske: “Jaake pen ap kol menshende, kai penan ap tute: ‘Tiro dad tchiwas i pharo budepen ap mende. Muk tu tchomone tele mendar!’ Pen kowa ap lende: ‘Miro tikno gushto hi pesseder har miro dadeskri heri.

Gosewe laba 14:7

Ma dja khetne i narweleha! Tu shuneh lestar tchi wawar har dinelo koowa.

Gosewe laba 19:26

Kowa, kai peskro dades dell un peskri dat tradell, kowa hi i tchawo, hoi ladj ap peste un lende anell.

Gosewe laba 19:28

Jek, kai hunte penell, hoi lo dikas un shunas, un kai tchi moldo hi, leske hi o tchatchepen sapaske. Un tchilatche menshe chan o tchilatchepen har maro.

Jeremia 27:9

Ma shunenn ap tumare chochene rakepangre un ap i durkepangre, witar gar ap kolende, kai sikrenn, hoi sunja penenn, witar gar ap kolende, kai krenn bengeskro koowa un kai putchenn i mulen. Kolla lauter penenn tumenge, te hunte krenn gar, hoi o baro rai pral Babilonia tumendar kamell.

Mateo 16:12

Un koi haiwan le, te rakras lo gar pral o shutlo jarro, hoi lenn le, te pekenn le maro. Job rakras pral kol laba, hoi i Farisarja un i Sadduzarja i menshenge penenna.

Mateo 16:6

Un o Jesus penas ap lende: “Denn jak! O shutlo jarro hi gar mishto, hoi well i Farisarendar un i Sadduzarendar!”

Mateo 7:15

Denn jak, te patsenn gar kol chochene rakepangren, kai penenn, te wans le o Deblestar bitchedo! Jon krenn, har te wans le tumare phrala. An lengro dji hi le diwje djukle, kai marenna.

Markus 4:24

Un job penas ap lende: Denn garda ap kowa, hoi tumer shunenna! Te shunenn gar mishto, hoi penau, haiwenn kowa gar. Te shunenn mishto, haiwenn kowa ninna mishto. Un o Dewel krell tumaro dji pre, te haiwenn gomme feteder.

Johanni 10:5

Jekes, kai prindjrenn jon gar, koleske djan jon gar palla. Jon nashenn penge lestar. Jon prindjrenn gar leskro rakepen.”

Efesarja 4:14

Palle ham buder gar har tikne tchawe, kai lauter patsenna, kau diwes jaake un ko wawar diwes wawartchandes. Un mer shunah buder gar ap kolende, kai chochenna, un kamenn men o tchatcho dromestar tele te anell.

1. Timoteo 4:7

Ma shun ap dinele parmisse! Kolla wenna gar o Deblestar! Dik ap tute, te djiwess o djipen, hoi latcho hi glan o Debleskre jaka.

1. Johanni 4:1

Latche phrala un phenja, ma patsenn hakenes, koon penella, te hi les o Debleskro Ducho! Dikenn ap leskro rakepen, te djinenn tumer, te well kowa tchatchepah o Deblestar! Bud chochene rakepangre nashenn ap i phub trujel. Kolla penenna i menshenge, te well lengro rakepen o Deblestar. Kowa hi gar tchatcho.

2. Johanni 1:10

Te well jek pash tumende, un penell tumenge wawar koowa har kowa, hoi o Jesus Kristo menge penas, koles lenn gar an tumaro kheer! Parkrenn les witar gar!

Debleskro tsiro 2:2

Me prindjrau lauter, hoi tumer mange kran, tumari tseli phari budi. Tumer dan tumaro patsepen gar pre. Un tumer mukenn gar tchilatche menshe mashkral tumende te well. Un tumer lan kolen an o jak, kai penan, te hi le o Jesuseskre bitchepangre, un jon hi kowa gar. Un tumer haiwan, te chochran le.