Gosewe laba 19:20 - O Debleskro Drom 2021 (Sinte)

²⁰ Shun ap kowa, hoi jek ap tute penell, un muk tuke tchomone te penell, te wess pal kowa gosewo.

O Debleskro Lab 2024 (Sinte-Manouche)

²⁰ Shoun ap kova, hoy yek ap toute penell, oun mouk touke čomone te penell, te vess pal kova gosevo.

Gosewe laba 19:20 ပူးပေါင်းရင်းမြစ်များ

Debleskri gili 37:37

Kre jaake har kowa, kai shunell ap o Debleste peskro tselo djijeha! Un djib jaake har kowa, kai well kek doosh ap leste hatslo. Sawo mensheske djal mishto an ko tsiro, hoi wella.

Debleskri gili 90:12

Sike men, har sik maro djipen trujel hi, te was mer gosewo.

Debleskri gili 90:14

Haki tsalla kre maro djipen pherdo tiro latchepen! Palle sharah tut un giwah tuke gilja jaake rah har djiwah.

Gosewe laba 1:2

Kal laba sikrenn mende, hoi tchatcho goswepen hi, te nai haiwas, hoi men dureder anell, un hoi gosewo rakepen kamell te penell.

Gosewe laba 1:3

Kol laba sikrenn mende, har te djiwas mishto un tchatcho, har te djiwas i djipen kek chochepah, un har te djas ap o tchatcho drom.

Gosewe laba 1:8

Miro tchawo, shun ap i laba, hoi tiro dad tuke penell! De jak ap kowa, hoi tiri dai tutar kamell!

Gosewe laba 12:15

O drom, kai o dinelo djal, hi an leskre jaka tchatcho. I gosewo mensho shunell ap kowa, hoi wawar leske penenn, te krell lo.

Gosewe laba 13:10

Mank i pre-phurde hi hako tsiro tchingepen. Te hal gosewo, mukeh tuke tchomone te penell.

Gosewe laba 15:32

Koon gar shunell, te well lo trad dino, tchinell pes an peskro mass. Koon mukell pes tchomone te penell, kowa well gosweder.

Gosewe laba 19:19

Kowa, kai dran i bari choli tchomone kras, muk les peskri phagi te lell. Weh tu ap leskri rig, hunte kress tu kowa pale te pale.

Gosewe laba 4:1

Mire tchawe, shunenn ap kowa, hoi me, tumaro dad, tumenge pashel anau. Denn jak ap mire laba, te wenn gosewo!

Gosewe laba 8:14

Mire labentsa sikrau jekeste o drom, un krau leskre jaka pre. Djinau, hoi mishto un gar mishto hi, un man hi i soor.

Gosewe laba 8:33

Shunenn, te dau tumen trad! Lenn kowa ap o dji un krenn, hoi penom!

Jeremia 6:8

Jerusalem, muk tut trad te dell! Te shuneh tu gar, krau me miro dji tuke pandlo. Un dran tute krau i nango them, kai kek nai djiwell buder.

Zefanja 3:7

Me penom mange: Te dikenn mire menshe kowa lauter, dikenn le pre ap mande, un mukenn penge mandar tchomone te penell! Palle wals lengro foro gar paash kerdo! Un tchi wals pral lende, hoi me penom, kai kamau te krell. Kanna was wawartchandes: Lauter tchilatchepen krenn le un mukenn gar tele.

4. Mose 23:10

Kek djinell, har bud menshe o Jakobeskre menshe hi. Awa, kek nai hatsell win, har bud serja i Israelitarja hi? Me kamau, te merap jaake har jek lendar, kol tchatche menshendar. Miro merepen mu well har lengro merepen!

5. Mose 32:29

Har kamaus, te wans le gosewo! Palle haiwans le, hoi ap lende wella.

5. Mose 8:16

un das tumen Manna te chal an o mulo tato them, ko maro, hoi tumare phure gar prindjran. Kote sikras lo tumen: Te hi lo gar tumentsa, nai krenn tchi. Ninna kamas lo win te hatsell, hoi an tumare djia hi, te nai krell lo les tumenge pal kowa mishto.