Gosewe laba 19:16 - O Debleskro Drom 2021 (Sinte)

¹⁶ Kowa, kai rikrell pes ap o tchinlo lab, dell jak ap peskro djipen. Kowa kai gar jak dell ap peskre dromma, merella.

O Debleskro Lab 2024 (Sinte-Manouche)

¹⁶ Kova, kay rikrell pes ap o činlo lab, dell yak ap peskro djipen. Kova kay gar yak dell ap peskre dromma, merella.

Gosewe laba 19:16 ပူးပေါင်းရင်းမြစ်များ

Hiob 5:2

Koon choirell pes pral halauter, hi dinelo. Leskri choli tassrell les. Koon peskri choli gar pale rikrell, hi narwelo. Job merell ap peskri choli.

Debleskri gili 103:18

kolenge, kai bistrenn gar, hoi job lengre phurentsa win kras, un rikrenn pen ap leskre laba.

Gosewe laba 13:13

Koleske, kai i latcho lab i herjentsa stakrell, djal djungeles. Koleske, kai rikrell pes ap ko lab, djal mishto.

Gosewe laba 15:32

Koon gar shunell, te well lo trad dino, tchinell pes an peskro mass. Koon mukell pes tchomone te penell, kowa well gosweder.

Gosewe laba 16:17

Kolla, kai ap o tchatcho drom djan, atchenn dur krik o tchilatchepastar. Koon jak dell, hawo drom job djal, kowa dell jak ap peskro djipen.

Gosewe laba 21:16

I mensho, kai kamell gar te djinell, hoi gosewo hi, djal ap o drom pash i mulende.

Gosewe laba 21:23

Kowa, kai nai rikrell peskro mui un dell jak ap peskri tchip, sawo rikrell bibacht pestar krik.

Gosewe laba 22:5

O drom, kai i tchilatche djana, hi pherde subjengre burra un shelle, kai nai stakrenn le dren. Kowa, kai ap peskro djipen jak dell, djal kote gar.

Gosewe laba 29:18

Te hi kek Debleskro rakepen koi, palle wenn i menshe diwjo un bi-pandlo. Bachtelo hi kowa, kai shunell ap o Debleskre laba.

Gosewe laba 3:1

Miro tchawo, ma biste kowa, hoi tuke sikrom, rike mire laba an tiro dji!

Sikepaskro 12:13

Kowa lauter, hoi kate penlo was, hi khetne lino kowa: Shun ap o Debleste un rike leskre laba! Kowa molell i tsele menshenge.

Sikepaskro 8:5

Kowa, kai rikrell pes ap o baro rajeskro lab, kowa djal gar khetne kolentsa, kai hadenn pen pral o baro rajeste. O gosewo djinell, o tsiro well, kai lenn le i phagi.

Jeremia 7:23

Me penom lenge: Shunenn ap miro lab, palle kamau me tumaro Dewel te well, un tumer han mire menshe. Djan ap ko drom, kai me tumenge penom, palle djal tumenge mishto.

Ezekiel 33:5

Job shunas koi phurdepaskri un das gar jak koi pre. Les kokres hi doosh ap peskro merepen. Te dals lo jak ap i phurdepaskri, palle lals lo peskro djipen dran o merepen win.

Mateo 16:26

I mensheske wals kowa gar mishto, te lals lo o tselo brawlepen ap kai phub, un nashrals o djipen. I mensho nai dell tchi o Debleste, te lell lo ko djipen pale.

Louka 10:28

Penas o Jesus leske: “Tiro hi tchatcho. Kre lauter jaake, un tu djiweh!”

Louka 11:28

Koi penas lo: “Bachtele hi kolla, kai ap o Debleskro lab shunenna, un kowa ninna krenna, hoi o Dewel penella.”

Johanni 14:15

“Te kamenn tumer man o djijestar, krenn tumer, hoi me tumenge penom.

1. Korintarja 7:19

Kolla hi gar budeder moldo, kai ap o mass tchinlo hi, har kolla, kai gar tchinlo hi ap o mass. Glan o Debleste molella, te rikress tut ap leskro lab.

1. Johanni 3:22

Un lauter, hoi mer lestar mangah, kowa lah mer, te rikrah men ap kowa, hoi job menge penas, un djiwah jaake, har job kamella.

1. Johanni 5:3

Maro kamlepen o Debleske sikrell pes, te krah mer kowa, hoi job menge penella. Un kowa, hoi job menge penella te kras, kowa hi gar pharo.

Debleskro tsiro 22:14

Bachtele hi kolla, kai pengre ripja djudjes thowenna. Jon nai chan ko rukestar, hoi o djipen della, un nai djan an kol bare wudja an ko foro dren.