Gosewe laba 19:11 - O Debleskro Drom 2021 (Sinte)

¹¹ Koles tchatcho goswepen hi an o dji, kowa well gar sik chojedo, un dikell gar ap i doosh i wawarendar. Doleske dikenn le pre ap leste.

O Debleskro Lab 2024 (Sinte-Manouche)

¹¹ Koles čačo gosvepen hi an o dji, kova vell gar sik rhoyedo, oun dikell gar ap i doosh i vavarendar. Doleske dikenn le pre ap leste.

Gosewe laba 19:11 ပူးပေါင်းရင်းမြစ်များ

2. Rajengro liil 5:12

Kol panja an Damaskus, Abana un Parpar, hi feteder har kol tsele panja an Israel. Me nai thowoms man ninna an kol panja un woms sasto.” Un job rissras pes un djas krik chojedo.

Gosewe laba 11:13

Kowa, kai djungelo koowa pral i wawarende rakrell, phukrell, hoi lo tchorchanes shunas. I mursh o labestar rikrell kowa peske.

Gosewe laba 12:16

Koon peskri choli sik sikrell, hi dinelo. Koon krell, har te shunals lo o praassepen gar, kowa hi gosewo.

Gosewe laba 14:29

Kowa, kai gar sik chojedo well, hi gosewo. Koon sik chojedo wella, sikrell har dinelo job hi.

Gosewe laba 15:18

I mursh an koleste choli hi, anell tchingepen. Jek, kai gar sik chojedo well, kowa lell i jag dran o tchingepen.

Gosewe laba 16:32

Jek, kai gar sik chojedo wella, hi feteder har i tchatcho kurepaskro. Un koon o rai pral peste hi, hi budeder moldo har jek, kai i tselo foro dren lell.

Gosewe laba 17:14

Muk tele o tchingepah jaake rah har lo gomme tikno hi! Tchingepen hi har pani, hoi dran i phub win phagell. Muk tele glan kowa job sorleder well!

Gosewe laba 20:22

Ma le tuke glan, te dess o tchilatchepen pale, hoi jek ap tute kras. Dik ap o baro Debleste! Kowa lell tiro koowa an peskro wast.

Gosewe laba 20:3

O mursh, kai rikrell pes o tchingepastar krik, well sharedo. Kolla, kai rodenn o tchingepen, hi halauter dinele.

Gosewe laba 25:21

Te hi koles bok, kai kamell tuke tchilatchepen, palle de les maro te chal. Un te hi les trush, de les pani te pijell!

Gosewe laba 29:11

I dinelo rikrell peskri choli gar pale. I gosewo hi o rai pral peskri choli.

Efesarja 4:32

Awenn kamlo jek ap o wawareste, un lenn i dji o wawareske! Bistrenn o tchilatchepen, hoi o wawar ap tumende kras! Ninna o Dewel bistras tumaro tchilatchepen, har o Jesus Kristo tumenge meras.

Jakobo 1:19

Mire kamle phrala, djinenn: Hako mensho hunte lell peske tsiro, te shunell lo. Job te kamell te rakrell, palle hunte putchell lo pestar, te hi kowa mishto, hoi job kamell te penell. Un job hunte well witar gar sik chojedo.