Gosewe laba 18:14 - O Debleskro Drom 2021 (Sinte)

¹⁴ I mensho kai sorelo an peskro dji hi, nai hidjrell peskro nasslepen. Te hi leskro dji phagedo, har nai hidjrell lo peskro pharepen?

O Debleskro Lab 2024 (Sinte-Manouche)

¹⁴ I mensho kay zorelo an peskro dji hi, nay hidjrell peskro nasslepen. Te hi leskro dji phagedo, har nay hidjrell lo peskro pharepen?

Gosewe laba 18:14 ပူးပေါင်းရင်းမြစ်များ

Hiob 6:4

Mange djal jaake, har te dals o sorelo Dewel karje ap mande, un leskre faile wans an mande, hoi anenn mange o merepen. Kowa, hoi mukell o Dewel ap mande te well, krell man i bari daar.

Debleskri gili 109:22

Me hom tchorwelo un kek hi ap miri rig. Miro dji hi phagedo.

Debleskri gili 147:3

Kolen, kai lengro dji phagedo hi, krell lo pale sasto, un kolenge, kai dukedo hi, tchiwell lo i pandepen pre.

Debleskri gili 55:3

Dik ap mande un shun, har gole dau un rowau.

Debleskri gili 55:5

Miro dji kamell i trashatar tardo te atchell. Un me darau, te hunte merap.

2. Mose 6:9

Kal laba penas o Mose ap i Israelitarja. Ninna har rakras job jaake ap lende, shunan le gar ap leste. Jaake phari his lengri budi ap lende, un an lengre djia his buder kek soor.

Gosewe laba 15:13

I bachtelo dji mukell o mujes te sal. Kones i pharo dji hi, koles hi tchi sapaske.

Gosewe laba 17:22

I bachtelo dji hi mishto tiro sastepaske. Te hi tuke hako tsiro ropaske, nashreh tiri soor.

2. Korintarja 1:12

Maro dji penell menge, mer djiwam maro djipen tchatches un djudjes, jaake har o Dewel kamella. Doleske nai sharah men. Mer rakram pral o Debleskro latchepen un penam tchi, hoi wella dran maro menshengro goswepen. Tumer djinenna, jaake djiwam gar kokres mank i wawar menshende, na-a, ninna pash tumende.

2. Korintarja 2:7

Kanna hunte bistrenn ko koowa, hoi job kras. Rakrenn latches leha, te well leske gar buder ropaske.

Jakobo 1:2

Mire phrala, te well pharo koowa ap tumende, palle dikenn koi pre, har te well kowa i bacht tumenge.

1. Petro 1:6

Doleske awenn bachtelo, ninna te hunte djan i tikno tsiro ap i drom, kai well bud pharo koowa ap tumende.