Gosewe laba 18:10 - O Debleskro Drom 2021 (Sinte)

¹⁰ O baro Dewel hi har i baro sorelo kheer. Kowa, kai an o tchatchepen tardo hi, nashell pash leste un khatrell pes pash leste.

O Debleskro Lab 2024 (Sinte-Manouche)

¹⁰ O baro Devel hi har i baro zorelo kheer. Kova, kay an o čačepen tardo hi, nashell pash leste oun khatrell pes pash leste.

Gosewe laba 18:10 ပူးပေါင်းရင်းမြစ်များ

1. Mose 17:1

O Abram his 99 (enja-deesh-te-enja) bersh phuro. Koi mukas pes o baro Dewel glan leste te dikell, un penas ap leste: “Me hom o sorelo Dewel. Dja ap miro drom, te hatsap kek tchilatchepen ap tute!

1. Mose 32:11

Me, tiro budepaskro, hom gar moldo, kai hal jaake latcho un kamlo ap mande. Har djom pral o pani Jordan, his man tchi har i kasht an o wast. Kanna hi man i bari familja un kal bud vieche, kai hi ap dui bare platse.

2. Samuel 22:2

Baro Dewel, tu hal mange har i baro sorelo bar, kai nai khatrau man, har i sorelo kheer, kai nai krell kek mange tchilatchepen.

2. Samuel 22:3

Miro Dewel, tu hal kowa, pash koleste nai wau un man khatrau. Tire wasta rikreh tu pral mande. Tu hal ko sorelo ap miri rig, un hal mange har i sorelo kheer pral ap i berga. Tu kreh miro djipen sasto, un kreh, te dukrell man kek.

2. Samuel 22:51

Tu kreh baro koowa o Davideske, koles tu wi-rodal, te well lo o baro rai. Un hal jaake latches ap leste un kolende, kai lestar wenn. Tiro kamlepen lenge atchell hako tsireske.

Debleskri gili 144:2

Job well ap miri rig, un hi mange har i sorelo kheer, kai nai khatrau man, un kek man an-taprell. Job rikrell peskre wasta pral mande, Ap leste rikrau man. Job stakrell i menshen dran wawar themma tel mire herja.

Debleskri gili 18:2

Un job penas: Baro Dewel, miro tselo djijestar kamau tut. Tu kreh man soreles.

Debleskri gili 20:2

Mangau o baro Debles, o Jakobeskro Debles, te shunell lo tut ap o diwes, kai i bibacht pral tute well. Mu rikrell job peskro wast pral tute!

Debleskri gili 27:1

I gili o Davidestar. O baro Dewel hi mange i momeli, un job hi kowa, hoi man win lella dran i wasta tchilatche menshendar. Kekestar hunte darap man. O baro Dewel rikrell man an o djipen. Kekestar hunte trashap me.

Debleskri gili 91:14

O Dewel penell: “Job kamell man o tselo djijestar. Doleske lau les dran kowa lauter win. Job prindjrell man. Doleske dau jak ap leste.

Debleskri gili 91:2

kowa penell ap o baro Debleste: “Pash tute hom khere. Tu hal mange har i baro sorelo kheer, miro Dewel, ap tute dikau.”

2. Mose 6:3

un sikrom man o Abrahameste un o Isaakeste un o Jakobeste. Har wom pash lende, sikrom lende, kai hom o sorelo Dewel. Miro lab ‘baro Dewel’, mukom len gar te djinell.

Gosewe laba 14:26

Kowa, kai djiwell o baro Debleha, koles hi soor an o dji. Ninna pral leskre tchawende rikrell o baro Dewel peskre wasta.

Gosewe laba 29:25

Kowa, kai darell i menshendar, perella. Kowa, kai rikrell pes ap o baro Debleste, pral koleste rikrell lo peskre wasta.

Jesaja 26:4

Doleske, rikrenn tumen ap o baro Debleste hako tsiro, O baro Dewel, maro rai, hi har i baro sorelo bar, pash leste nai khatrah men hako tsireske.

Jesaja 57:15

Me, o pralstuno, kai hadedo hom, un hako tsiro djiwau, un kokres o tchatcho Dewel hom, penau: Me djiwau an o pralstunepen an miro bolepaskro kheer, un ninna pash o mensheste, kai i phagedo un tele-rikedo dji an leste hi, te dap pale soor koleste, kai tele rikedo hi, un mukap koles pre te djiwell, koleskro dji phagedo hi.

Jesaja 9:6

I rajeskri soor, hoi les hi, well baro un bareder. Un an kek tsiro dell tchingepen. Job well beshdo ap o Davideskri beshepaskri, un hi i rai, kai krell o tchatchepen jaake win, har o Dewel kamell un mishto hi kanna un hako tsireske. O baro Dewel, ko rai pral o bolepen un i phub, krell kowa lauter. Jaake las lo pes kowa soreles glan.

Jeremia 23:6

An leskro tsiro well o Juda win lino dran i tchilatche wasta, un o Israel nai djiwell kek darjah. Un i menshe denn les o lab ‘o baro Dewel krell men tchatcho.’

Habakuk 3:19

O baro Dewel krell man soreles. Job krell mire pire har i pire o tserfestar, te nai stap pral i berge un perau gar. Pash kai gili well bashedo ap dorjengre bashepangre.

Mateo 1:23

I terni tchai, kai gomme kek murshestar an tapedo was, lella i ternepen. Un jon denn les o lab Emmanuel. Kowa kharella: O Dewel hi mentsa.”

Debleskro tsiro 1:8

O baro Dewel penella: “Mandar was lauter. Un lauter wella pale glan mande. Man hi i tseli soor, un djiwau hako tsireske: kanna un an ko tsiro, hoi his un hoi wella.”

1. Samuel 17:45

O David penas: “Tu weh pash mande i chareha, i lengsto tchurjeha un i witsepaskro tchurjeha. Me wau pash tute an o lab o baro Deblestar, ko rajestar pral o bolepen un i phub, kai o Dewel pral i Israeleskre lurdende hi, kones tu praassal.

1. Samuel 30:6

Un i murshengre djia rowan pral lengre tchawende un tchen, un jon wan jaake chojedo ap o Davideste, te kaman le les mulo te dell i barrentsa. Un o David was an i pharo tsiro. Un job las peskri soor o baro Deblestar, kai leskro Dewel hi.