Gosewe laba 17:8 - O Debleskro Drom 2021 (Sinte)

⁸ Kowa, kai wawaren tchorchanes lowe dell, te krenn le, hoi job kamell, an koleskre jaka hi peskre lowe har durkepangre barra, hoi anenn leske bacht an hako koowa.

O Debleskro Lab 2024 (Sinte-Manouche)

⁸ Kova, kay vavaren čorrhanes love dell, te krenn le, hoy yob kamell, an koleskre yaka hi peskre love har dourkepangre barra, hoy anenn leske barht an hako koova.

Gosewe laba 17:8 ပူးပေါင်းရင်းမြစ်များ

1. Mose 32:14

Un o Jakob atchas i rati koi. Un las i viechendar, hoi pash leste his, te dell lo len peskro phraleste Esau:

1. Mose 32:21

Bistrenn gar te penenn leske kowa: ‘Dik, tiro budepaskro Jakob well pal mende.’” O Jakob penas peske: “Kamau, te bistrell o Esau peskri choli ap mande. Te dikell lo kowa, hoi me les dau, nashte well, kai lell man lo latches pre.”

1. Mose 43:11

Un o Israel, lengro dad, penas ap lende: “Te djal gar wawartchandes, krenn kowa: Lenn o feteder dran maro them un anenn les ko romeste: kutch rukengro djet un gwin, khorja un mandle.

Debleskri gili 18:16

Kote was o telstunepen tel i panja diklo, un i telstuni phub was pre-tchakedo, har tu, baro Dewel, tchingral un trad dal an tiri choli.

Debleskri gili 19:6

Taissarlake djal o kham win har i bijabeskro dran peskri isema, un har i sorelo naashepaskro hi lo bachtelo, te nashell peskro drom.

Debleskri gili 21:13

Tu leh tiro bogo un rikreh ap lende, un kreh, te rissrenn le pen trujel un nashenn penge.

Debleskri gili 29:4

Leskro rakepen hi pherdi soor, un sikrell hawo baro rai job hi.

2. Mose 23:8

Te hi jek an o tchingepen i wawareha un kamell tut te ginell, te dess les tchatchepen, ma le kowa, hoi job kamell tut dell! Koon sau koowa an-lell, well korelo o tchatchepaske un dikell buder gar, koon an o tchatchepen hi.

Gosewe laba 17:23

O tchilatcho kamell i lowe, hoi leske tchorchanes dino well, te rissrell lo o tchatchepen trujel.

Gosewe laba 18:16

I mensho, kai i wawaren shukar koowa dell, krell peske i wudja pre pash i pralstunende.

Gosewe laba 21:14

Te hi jek chojedo ap tute, un tu deh les tchomone khatedo, kreh tu jaake, te djal leskri bari choli pale.

Sikepaskro 7:7

Ninna o gosewo well har i dinelo, te mukell lo pes te ginell. Dell jek leste lowe, te krell lo, hoi gar tchatcho hi, un job lell kol lowe an, palle nai djal lo buder gar pal o tchatchepen.

Jesaja 1:23

Tire pralstune hadan pen pral mande un djan khetne i tchorepangre. Un hakeno lendar mukell pes te ginell. Un kol tchawe, kolen kek dai un kek dad hi, kolenge krenn le kek tchatchepen win. Un ko koowa kol djuwjendar, kolengro rom meras, mukenn le gar glan pende te well.

Amos 5:12

Me djinau ko bud tchilatcho koowa, hoi kran tumer. Un dikau, har baro tumari doosh hi. Tumer rikrenn tumen gar pale, latche menshen palla te lell, un mukenn tumen te ginell. Kek tchatchepen denn tumer i tchorwelen.

Micha 7:3

Lengre wasta hi sik, te krenn le tchilatcho koowa. I pralstune un tchatchepangre raja denn kolen o tchatchepen, kai denn len lowe. Kol sorele an o them krenn, hoi le kamenn, chochenn un rissrenn o tchatchepen trujel.

5. Mose 16:19

Te hal tu i tchatchepaskro, hunte dess tu koles peskro tchatchepen, koon an o tchatchepen hi. Tu dikess gar koi pre, koon glan tute tardo hi. Te dell jek tut kutch koowa, te dess tu les tchatchepen, ma le kowa an! Koon sawo shukar kutch koowa an-lell, well korelo o tchatchepaske, un dikell buder gar, koon an o tchatchepen hi.

1. Samuel 25:35

Un o David las lauter dran lakro wast, hoi joi leske anas, un penas ap late: “Dja pale khere un ma dare! Kowa, hoi tu mandar mangal, krau me jaake.”