Gosewe laba 17:22 - O Debleskro Drom 2021 (Sinte)

²² I bachtelo dji hi mishto tiro sastepaske. Te hi tuke hako tsiro ropaske, nashreh tiri soor.

O Debleskro Lab 2024 (Sinte-Manouche)

²² I barhtelo dji hi mishto tiro sastepaske. Te hi touke hako tsiro ropaske, nashreh tiri zoor.

Gosewe laba 17:22 ပူးပေါင်းရင်းမြစ်များ

Debleskri gili 22:15

Miri soor hi win tchoredo har pani, mire tsele kokale rikrenn buder gar khetne, Miro dji nashras peskri soor, har i momeli hoi tele chatchras.

Gosewe laba 12:25

I pharo dji tserdell i menshes tele. I latcho lab krell les bachtelo.

Gosewe laba 15:13

I bachtelo dji mukell o mujes te sal. Kones i pharo dji hi, koles hi tchi sapaske.

Gosewe laba 16:24

Kamle laba hi har gwin, rakrenn kamles an o dji un denn newi soor.

Gosewe laba 18:14

I mensho kai sorelo an peskro dji hi, nai hidjrell peskro nasslepen. Te hi leskro dji phagedo, har nai hidjrell lo peskro pharepen?

Sikepaskro 2:2

Me hatsom win, kai ninna o sapen dinlepen hi! Un o gipen an tiro dji anell tuke tchi.

2. Korintarja 2:7

Kanna hunte bistrenn ko koowa, hoi job kras. Rakrenn latches leha, te well leske gar buder ropaske.

2. Korintarja 7:10

Te hi jekes ropaske pral peskri doosh, un o Dewel dikell latches ap leste, anell les kowa ap o Debleskro drom, un o Dewel dell les o djipen. Un kowa khaitell kekes. Te hi jekes ropaske pral i phubjakro koowa anell les kowa an o merepen.