Gosewe laba 17:14 - O Debleskro Drom 2021 (Sinte)

¹⁴ Muk tele o tchingepah jaake rah har lo gomme tikno hi! Tchingepen hi har pani, hoi dran i phub win phagell. Muk tele glan kowa job sorleder well!

O Debleskro Lab 2024 (Sinte-Manouche)

¹⁴ Mouk tele o čingepah yaake rah har lo gomme tikno hi! Čingepen hi har pani, hoy dran i phoub vin phagell. Mouk tele glan kova yob zorleder vell!

Gosewe laba 17:14 ပူးပေါင်းရင်းမြစ်များ

2. Samuel 19:41

I tsele menshe dran Juda un i paash kol menshendar dran Israel his pash o baro rajeste, har djas lo wergel o pani Jordan. Un o baro rai djas dureder an Gilgal. Un o Kimham djas leha.

2. Familjakro liil 13:17

Jaake was, kai o Abija un leskre lurde kol wawaren soreles dan. Lendar atchan 500.000 (pantch-sheel-serja) wi-rodede lurde mules tchiddo.

2. Familjakro liil 28:6

O Israelengro baro rai – leskro lab his Pekach, leskro dad his o Remalja – job peskre lurdentsa maras ap jek diwes 120.000 (sheel-te-biish-serja) kurepangre an o them Juda. Kowa his i phagi doleske, kai mukan jon o baro Debles, ko Dewel lengre phurendar.

Gosewe laba 13:10

Mank i pre-phurde hi hako tsiro tchingepen. Te hal gosewo, mukeh tuke tchomone te penell.

Gosewe laba 14:29

Kowa, kai gar sik chojedo well, hi gosewo. Koon sik chojedo wella, sikrell har dinelo job hi.

Gosewe laba 15:1

I kamlo lab krell te djal o wawareskri choli pale. I lab, hoi o wawares dukrell, krell les chojedo.

Gosewe laba 16:32

Jek, kai gar sik chojedo wella, hi feteder har i tchatcho kurepaskro. Un koon o rai pral peste hi, hi budeder moldo har jek, kai i tselo foro dren lell.

Gosewe laba 17:19

Kowa, kai tchingepen kamell, kowa kamell ninna o tchilatchepen. Kowa kai hadell pes kokres pral, nai perell sik.

Gosewe laba 19:11

Koles tchatcho goswepen hi an o dji, kowa well gar sik chojedo, un dikell gar ap i doosh i wawarendar. Doleske dikenn le pre ap leste.

Gosewe laba 20:3

O mursh, kai rikrell pes o tchingepastar krik, well sharedo. Kolla, kai rodenn o tchingepen, hi halauter dinele.

Gosewe laba 25:8

Ma dja sik pash i tchatchepangre murshende, te peness lenge, hoi dikal. Te well palle i wawar un sikrell, kai hi tut gar tchatcho, hoi kreh tu palle?

Gosewe laba 26:21

Jaake har krell o kasht, te chatchell i jag dureder, jaake krell i mursh, hoi tchingepen rodell, te djal o tchingepen dureder.

Gosewe laba 29:22

I mursh, kai hako tsiro an i choli hi, sawo krell tchingepen, un anell bud doosh ap peste.

Remarja 12:18

Jaake bud har djala un ap tumende hi, djiwenn lauterentsa kamles khetne!

1. Tessalonikarja 4:11

Djiwenn tumaro djipen jaake, te nai rakrenn i menshe gar djungeles pral tumende! Krenn tumari budi! Budrenn jaake, te well tumen doha djipaske, jaake har tumenge penam!