Gosewe laba 17:13 - O Debleskro Drom 2021 (Sinte)

¹³ Koleske latchepen kerdo was, un job tchilatchepen pale das, dran koleskro kheer djal i bibacht buder gar krik.

O Debleskro Lab 2024 (Sinte-Manouche)

¹³ Koleske lačepen kerdo vas, oun yob čilačepen pale das, dran koleskro kheer djal i bibarht bouder gar krik.

Gosewe laba 17:13 ပူးပေါင်းရင်းမြစ်များ

2. Samuel 12:10

An tire jaka his miro lab tchi moldo, har lal tu tuke koi romjat fun o Urija, te well li tiri romni. Kanna well o charo ap tiro kheer gar buder krik lino.’

1. Rajengro liil 21:22

Tu kral man chojedo, un anal i Israelitarjen miro dromestar tele. Doleske djal tiri familjake jaake djungeles har koi familjake fun o Jerobeam, koleskro dad o Nebat his, un har koi familjake fun o Baasha, koleskro dad o Achija his.’

Debleskri gili 35:12

Me homs ap lende latches. Jon denn man tchilatchepen pale, un krenn, te wap kokres.

Debleskri gili 38:20

Kolla, kai mange tchilatchepen kamenna, hi soreles un hi bud. Bud choirenn pen ap mande, ninna te krom len tchi.

Gosewe laba 13:21

Kolla, kai o Debleskro dromestar tele djan, kolen lell i bibacht palla un taprell len. Kolla, kai an o tchatchepen tardo hi, lenn latcho koowa.

Mateo 27:25

Un kol tsele menshe penan: “Koi doosh well ap mende un ap mare tchawende!”

Mateo 27:5

Koi witsras lo kol trijanda rupene beme an o Debleskro baro kheer, nashas lendar, tchiwas i dori trul peskri meen, un tassras pes.

Remarja 12:17

Te hi jek tchilatcho ap tumende, palle wenn gar tchilatcho ap leste! Krenn, hoi latcho hi an i tsele menshengre jaka!

1. Tessalonikarja 5:15

Ma awenn tchilatcho ap kolende, kai tchilatcho ap tumende wan! Mukenn gar tele, te wenn latches ap hakeneste mashkral tumende, ninna ap i tsele wawar menshende!

1. Petro 3:9

Krenn kekeske tchilatchepen, kai kras ap tumende tchilatchepen! Jek te tchingrell ap tumende, ma tchingrenn pale! Rakrenn latche laba leha! O Dewel das tumen gole, te lenn tumer leskro latchepen.

1. Samuel 19:4

Un o Jonatan rakras peskro dadeha un rakras latches pral o Davideste un penas: “Miro baro rai, an kek doosh ap tute un kre o Davideske tchi! Job hi tiro budepaskro un kras tuke kek tchilatchepen. Un lauter, hoi job kras, his tuke mishto.

1. Samuel 24:17

Har o David kol laba ap o Sauleste rakras, penas o Saul: “Shunau me gar tut, miro tchawes David, kate?” Un o Saul rowas soreles.

1. Samuel 25:21

An o Davideskro dji his choli un job penas peske: “Tchatchepah dom ko tselo tsiro tchitcheske jak ap ko tselo koowa, hoi ko murshes hi an o mulo them, jaake te was kek viecho lestar krik. Un job dell man tchilatchepen pale, koleske, hoi leske latches krom.