Gosewe laba 16:12 - O Debleskro Drom 2021 (Sinte)

¹² Te krenn bare raja tchilatcho koowa, hi kowa i djungelo koowa glan o Debleste. Te krenn le o tchatchepen, atchell lengri rajeskri beshepaskri soreles tardo.

O Debleskro Lab 2024 (Sinte-Manouche)

¹² Te krenn bare raya čilačo koova, hi kova i djoungelo koova glan o Debleste. Te krenn le o čačepen, ačell lengri rayeskri beshepaskri zoreles tardo.

Gosewe laba 16:12 ပူးပေါင်းရင်းမြစ်များ

2. Familjakro liil 17:5

Doleske kras o baro Dewel, te was o Josafat i sorelo baro rai. Un dran o tselo them Juda wan i menshe, un dan les kutch koowa. Jaake was les baro brawlepen, un job his bares an-diklo.

Debleskri gili 99:4

Tuke hi bari soor. Tu hal o baro rai, kai kamell o tchatchepen o djijestar. Tu penal, hoi tchatcho hi, un tchiwal o tchatchepen pre an o them Israel, te djan i tchatchepangre mursha pal o tchatchepen.

Gosewe laba 16:13

I mensho, kai o tchatchepen rakrell, krell, te dikell o baro rai latches ap leste. Job kamell o murshes o labestar.

Gosewe laba 20:18

Rake i wawarentsa pral kowa, hoi tuke glan lal, te well kowa mishto. Kowa hunte kress, hoi tut ninna glan hi, har bud budeder te kameh i kurepen te krell.

Gosewe laba 25:5

Le o tchilatches krik o baro rajestar, palle atchell job i baro rai, kai an o tchatchepen tardo hi.

Gosewe laba 28:9

Kowa, kai kamell tchi o Debleskro dromestar te djinell, un palle mangell lo tchomone o baro Deblestar, koleskro mangepen hi djungelo glan o Debleskre jaka.

Gosewe laba 29:14

I baro rai, kai dell i tchorwelen lengro tchatchepen, atchell rai i rah tsiro.

Gosewe laba 29:4

I baro rai, kai rikrell pes ap o tchatchepen, kowa krell, te djal o themeske latches. Kowa, kai lell bud themeskre lowe peskre menshendar, kowa krell o them paash.

Louka 12:48

Koon kowa krella, hoi gar mishto hi, un djinell kowa gar, lell gar bud dawa. Koon bud o Deblestar las, kolestar kamell job, te krell lo peskri budi mishto. Un kones bud soor un goswepen dino was, kolestar kamell o Dewel, te budrell lo gomme feteder.”

5. Mose 25:16

O baro Debleske hi menshe, kai chochepen krenn, djungeles.

Debleskro tsiro 19:11

Un me dikom, har o bolepen pre hi. Un kote his i parno grai. Un kowa, kai pre beshdo hi, kharella: Mursh labestar, kai rakrell o tchatchepen. Job te dell i menshen i phagi un kurell pes kolentsa, kai tchilatche hi, djal job pal o tchatchepen.