Gosewe laba 16:1 - O Debleskro Drom 2021 (Sinte)

¹ O mensho lell pes tchomone glan an peskro dji. Hoi tchatchepah wella, penell o baro Dewel.

O Debleskro Lab 2024 (Sinte-Manouche)

¹ O mensho lell pes čomone glan an peskro dji. Hoy čačepah vella, penell o baro Devel.

Gosewe laba 16:1 ပူးပေါင်းရင်းမြစ်များ

2. Samuel 7:5

Dja koi un pen ap miro budepaskro o David: Jaake penell o baro Dewel: “Kameh tu mange i kheer te krell, te djiwap koi dren?

2. Familjakro liil 18:31

Un har i pralstune pral i wurdja o Josafates dikan, patsan jon, kai job o rai pral o them Israel hi, un djan trul leste, te kurenn le pen leha. Kote mukas o Josafat i gole. Un o baro Dewel was ap leskri rig, un kras te rissran le pen lestar krik.

Esra 7:27

Sharedo well o baro Dewel, ko Dewel mare phurendar! Job hi kowa, kai tchiwas sau koowa an o rajeskro dji, te nai well o baro Debleskro kheer an o foro Jerusalem jaake railo un shukar!

Nehemia 1:11

Ach rai, shun ap miro mangepen un ap o mangepen kolendar, kai ninna tire budepangre hi, kai mangenn tut o djijestar an. Jaake muk kowa mishto te djal, hoi man glan hi, un kre, te dikell o baro rai, o Artaxerxes, latches ap mande.” An ko tsiro homs ko mursh, dran koleskro wast o pipen o baro rajeske was.

Hiob 17:11

Miro djipaskro tsiro hi trujel. Kowa, hoi me mange lauter glan lom, un hoi miro dji kamas, was tchitcheske.

Debleskri gili 10:17

Kowa, hoi i tchorwele tutar mangenna, shuneh tu, mo baro Dewel. Tu kreh lengro dji sorelo, un tiro kand hi lenge pre.

Debleskri gili 119:36

Kre te dikap ap tire laba, hoi mange sikrenn, har te djiwap, un dikap gar ap o brawlepen!

2. Mose 4:15

Un pen tiro phraleske halauter, hoi job hunte rakrell! Un me, tumaro Dewel, tchiwau mire laba an tiro mui un leskro mui un sikrau tumen halauter, hoi hunte krenn.

Gosewe laba 15:33

Kolla, kai djiwenn o baro Debleha, dikenn dren, hoi lenge mishto hi, un wenn gosweder. Kolenge, kai krenn pen gar bares, well ko tsiro, kai sharenn len i wawar.

Gosewe laba 16:9

O mensheskro dji lell peske tchomone glan, o baro Dewel hi kowa, kai anell leskre herja ap ko drom, har job kamell.

Gosewe laba 19:21

Bud koowa hi, hoi i mursh peske glan lell an peskro dji; kokres kowa wella, hoi o baro Debles glan hi jekeha.

Gosewe laba 20:24

O baro Deblestar well, har o djipen hakenestar djal. Har djinell i mensho, kai leskro drom les anell?

Gosewe laba 21:1

O baro rajeskro dji hi har i lengsto pani an o baro Debleskro wast, hoi mukell lo kote te nashell, kai job kamell.

Jeremia 10:23

Baro Dewel, me djinau, kowa, hoi pral i mensheste wella, hi gar an ko mensheskro wast tchiddo. Kowa hi gar job, kai krell peskro djipah, hoi job kamella.

2. Korintarja 8:16

Me parkrau man pash o Debleste, te das job maro phrales, o Tites, i baro dji tumenge.

Filiparja 2:13

Job sikrell tumen, hoi job kamella. Ninna krell lo an tumende, te kamenn tumer kowa, hoi job kamella, un te nai krenn kowa ninna.