Gosewe laba 15:30 - O Debleskro Drom 2021 (Sinte)

³⁰ Te dikeh latches ap jekeste, well lo bachtelo. Te peneh leske i latcho lab, well lo sorelo.

O Debleskro Lab 2024 (Sinte-Manouche)

³⁰ Te dikeh lačes ap yekeste, vell lo barhtelo. Te peneh leske i lačo lab, vell lo zorelo.

Gosewe laba 15:30 ပူးပေါင်းရင်းမြစ်များ

Esra 9:8

Kanna was men i tikno tsiro baro kamlepen dino tutar, maro baro Deblestar. Tu mukal menshen mendar djides un anal men pale kote, kai tu khere hal, te djiwas mer kote kek trashah. Doleske sanenn mare jaka, un newo djipen hi an mende, ninna te ham gomme budepangre.

Debleskri gili 89:15

O tchatchepen pral i menshende rakreh, un tchatchepaskre laba lenge peneh. Doleske atcheh tu o baro rai. An lauter, hoi kreh, dikah tiro latchepen, un har pash mende rikreh.

Gosewe laba 12:25

I pharo dji tserdell i menshes tele. I latcho lab krell les bachtelo.

Gosewe laba 13:9

Koon an o tchatchepen tardo hi, hi har i momeli, hoi bachteles chatchell, un i tchilatcho har i momeli, hoi djal win.

Gosewe laba 15:29

O baro Dewel hi dur krik kolendar, kai tchilatcho hi. Job shunell kowa, hoi kolla lestar mangenna, kai an o tchatchepen tardo hi.

Gosewe laba 15:31

Te shuneh ap jekeste, kai penell tuke, hoi tuke mishto hi, palle hal mashkral i gosewende.

Gosewe laba 17:22

I bachtelo dji hi mishto tiro sastepaske. Te hi tuke hako tsiro ropaske, nashreh tiri soor.

Gosewe laba 25:25

I liil dran i dur them latche labentsa hi har shil pani koleske, kai trushella.

Gosewe laba 3:8

Kowa dell tut sastepen un newi soor.

Sikepaskro 11:7

Shukar hi menge, te dikas i momeli. Un mare jakentsa hi mishto, te dikenn le o kham.

Jesaja 58:11

Un hako tsireske sikrell tut o baro Dewel tiro drom. Ninna te djiweh an o mulo tato them, dell lo tut doha djipaske, un dell tut newi soor. Palle hal tu har i baar, kolat hako tsiro doha pani hi, awa, har i pani, hoi dran i phub pre djal, un koleskro pani hako tsiro nashell.

Debleskro tsiro 21:23

Pral o foro hi buder kek kham un kek tchon. O Debleskro railepen hi har o kham, un o terno bakro hi i momeli o foreske.

Debleskro tsiro 22:5

An ko foro well buder gar rati. Len hunte well kek momeli, witar gar o kham, te dikenn le. O baro Dewel hi lengri momeli. Un jon hi bare raja hako tsireske.