Gosewe laba 15:28 - O Debleskro Drom 2021 (Sinte)

²⁸ Koon an o tchatchepen tardo hi, rakrell peskro djijeha glan kowa job tchomone penell. Dran o mui o tchilatchestar wenn tchilatche laba win har diwjo pani.

O Debleskro Lab 2024 (Sinte-Manouche)

²⁸ Koon an o čačepen tardo hi, rakrell peskro djiyeha glan kova yob čomone penell. Dran o mouy o čilačestar venn čilače laba vin har divyo pani.

Gosewe laba 15:28 ပူးပေါင်းရင်းမြစ်များ

Debleskri gili 59:7

Haki rat wenn le pale un nashenn tchorchanes trul o foro. Har djukle denn le gole.

Gosewe laba 10:19

Koon bud laba krell, anell ninna doosh ap peste. Koon peskro mui rikrell, hi gosewo.

Gosewe laba 10:32

O rakepen kolestar, kai an o tchatchepen tardo hi, krell bachtelo. O rakepen i tchilatchendar dukrell.

Gosewe laba 13:16

Hakeno, kai gosewo hi, krell tchi, te rakras lo gar peskro djijeha pral kowa. I dinelo mensho dell peskro narwlepen win gole.

Gosewe laba 15:2

O gosewo rakrell jaake, te haiwenn i wawar, hoi mishto hi. Dran o narweleskro mui well tchi har dinlepen.

Gosewe laba 16:23

I mensho i gosewo djijeha rakrell laba, hoi mishto hi. Un kowa, hoi lo penell, sikrell i wawarende, hoi te krenn le.

Gosewe laba 29:11

I dinelo rikrell peskri choli gar pale. I gosewo hi o rai pral peskri choli.

Gosewe laba 29:20

Dikeh tu i murshes, kai sik ap o rakepen hi, i dineleske nai djal feteder har saweske.

Sikepaskro 5:2

Koneske bud an o shero trujel djal, kowa dell phare sunja. Un koon bud laba krell, rakrell sik dinelo koowa.

Sikepaskro 5:6

Tchatchepah, bud sunja un bud laba molenn tchi. Dran kowa kre kowa, hoi o Debles sharell!

Mateo 12:34

Tumer han sapa! Tumer han tchilatcho un nai rakrenn gar latcho koowa. I mensho penell kowa, hoi an leskro dji dren hi.

1. Petro 3:15

O Jesus Kristo kokres te well o rai an tumare djia! Un te putchenn le tumendar tchomone pral tumaro patsepen, ma darenn kek tsiro, te penenn lenge, ap koneste tumer patsenna.

2. Petro 2:18

Jon rakrenn bare laba, kai tchi moldo hi. Lengro wi-ladjedo djipen tserdell kolen ap o tchilatcho drom, kai dan glan i tikno tsiro pengro phuro djipen pre.