Gosewe laba 15:27 - O Debleskro Drom 2021 (Sinte)

²⁷ Koon chochepah peskro brawlepen khetne lell, anell peskri familja an i bibacht. Koon mukell pes gar te ginell, sawo djiwell.

O Debleskro Lab 2024 (Sinte-Manouche)

²⁷ Koon rhorhepah peskro bravlepen khetne lell, anell peskri familya an i bibarht. Koon moukell pes gar te ginell, savo djivell.

Gosewe laba 15:27 ပူးပေါင်းရင်းမြစ်များ

1. Rajengro liil 2:40

Kote tchiwas o Shimi i ledertikri plachta ap peskri burika, beshas pes pre, un klissas an o foro Gat pash o Achish, te rodell lo peskre budepangre. Un job was koi, hatsas len un anas len pale an o foro Jerusalem.

2. Rajengro liil 5:27

Ko nasslepen, hoi o Naamanes ap peskro mass his, perell ap tute un tire menshende, kai pal tute wenna.” Koi djas o Gehasi lestar krik, un ko nasslepen his ap leskro mass un dikas win har gib.

Debleskri gili 15:5

Te patsas lo peskre lowe, lell lo gar budeder lowe pale. Ninna te denn le les shukar koowa, anell lo kek chochepen ap koleste, kai kek tchilatchepen kras. Koon jaake djiwella, kowa hi soreles tardo an peskro djipen.

2. Mose 18:21

Tu, rode tuke dran i tsele menshende tchatche murshen win, hoi ap o Debleste shunenna, sawe mursha, hoi pengro lab rikrenna, un kekes i lowenge chochenna! Un kolen tchip pral i Israelitarja! Kre pralstunen lendar pral i serja, wawaren pral i sheel, un pale pral i paash-sheel un pral deesh.

2. Mose 23:8

Te hi jek an o tchingepen i wawareha un kamell tut te ginell, te dess les tchatchepen, ma le kowa, hoi job kamell tut dell! Koon sau koowa an-lell, well korelo o tchatchepaske un dikell buder gar, koon an o tchatchepen hi.

Gosewe laba 1:19

Jaake djal hakeneske, kai kamell o wawareskro brawlepen te lell. Sawo mensho lell peske kokres o djipen.

Gosewe laba 11:19

Te kreh o tchatchepen, hal ap o drom an o djipen. Te nasheh o tchilatchepen palla, djah ap o drom an o merepen.

Gosewe laba 11:29

Kowa, kai gar jak dell ap peskro kheer un ap peskri familja, pral koleste well i phurdepen, hoi lauter krik phurdell. Un ko dinelo well palle o budepaskro kolestar, koles i gosewo dji hi.

Gosewe laba 15:26

O baro Dewel dikell chojedes ap ko midjak koowa, hoi lell pes i tchilatcho glan. Latches dikell lo ap koleste, kai rakrell latche laba.

Gosewe laba 20:21

Te kameh sik kowa te lell, hoi jek tire phurendar peskre menshenge pale mukell, palle anell kowa tuke kek bacht.

Gosewe laba 23:4

Ab jaake gosewo, te maress tut gar tele, brawelo te well.

Gosewe laba 28:16

I rai, kai haiwell gar mishto peskre menshentsa trujel te djal, krell bud doosh. Koles, kai kamell gar chochepah braweles te well, koles well i lengsto djipen.

Gosewe laba 28:25

Kowa, kai bokell pal i lowe, sawo anell tchingepen pre. Kowa, kai rikrell pes ap o baro Debleste, lell budeder har doha te chal.

Gosewe laba 29:4

I baro rai, kai rikrell pes ap o tchatchepen, kowa krell, te djal o themeske latches. Kowa, kai lell bud themeskre lowe peskre menshendar, kowa krell o them paash.

Jeremia 17:11

Har i diwji kachni, kai beshell pes ap i jare, kai gar lakre hi, jaake djal koleske, kai lell peske brawlepen khetne chochepah. An o feteder tsiro nashrell lo peskro brawlepen, un hi koi tardo har i narwelo.

5. Mose 16:19

Te hal tu i tchatchepaskro, hunte dess tu koles peskro tchatchepen, koon an o tchatchepen hi. Tu dikess gar koi pre, koon glan tute tardo hi. Te dell jek tut kutch koowa, te dess tu les tchatchepen, ma le kowa an! Koon sawo shukar kutch koowa an-lell, well korelo o tchatchepaske, un dikell buder gar, koon an o tchatchepen hi.

5. Mose 7:26

Tumer hunte anenn kek sawi figura an tumare khera, te wenn tumer gar lentsa khetne mulo dino. Tchatchepah, dikenn ap lende har ap i djungelo koowa, un denn len paash.

1. Timoteo 6:10

Koon pal i lowe hi, perell an hako tchilatchepen. His menshe koi, kai kaman i lowe jaake bud, kai peran le o Debleskro dromestar tele, un dukran pen kokres.

1. Timoteo 6:9

Kolla, kai kamenn brawele te well, kolla perenn an o bengeskro wast, un anenn pen an bud dinelo un djungelo koowa. Un kowa anell len an i bibacht un mukell len tele te djal.

Josua 6:18

Tumer, denn jak, te lenn tumenge tchi kolestar, hoi hunte well mulo dino. Kowa te krenn tumer, palle anenn tumer bari bibacht un o merepen pral i tsele Israelitarja.

1. Samuel 12:3

Doleske hom kanna glan tumende tardo: Stenn pre un rakrenn kate glan o baro Debleste un glan o baro rajeste, kones job win rodas: Koneskri grumni lom me? Koneskri esla? Kones chochrom me? Konestar lom i sorjah, hoi leske his? Konestar mukom man te plaissrell, te pandap mire jaka glan leskro tchilatcho koowa. Me te krom kowa, palle kamau les me pale te dell.”