Gosewe laba 15:25 - O Debleskro Drom 2021 (Sinte)

²⁵ O baro Dewel phagell o kheer kolestar, kai pre-phurdo hi. Job dell jak, te lell kek koi phub i romjatar krik, kolakro rom meras.

O Debleskro Lab 2024 (Sinte-Manouche)

²⁵ O baro Devel phagell o kheer kolestar, kay pre-phourdo hi. Yob dell yak, te lell kek koy phoub i romyatar krik, kolakro rom meras.

Gosewe laba 15:25 ပူးပေါင်းရင်းမြစ်များ

Hiob 24:21

Job randas kolatar, kai kek tchawe nai las, kolake kek tchawo boldo was. Un kolake o rom meras, lake kras lo kek latchepen.

Debleskri gili 10:14

Tu dikal les. Tu deh jak ap kolende, kolenge le o djipen phares krenn, un djineh lengre duka, un leh lengro koowa an tiro wast. Awa, i tchorwele tchiwenn pengro djipen an tiro wast. Tu hal ap i rig kolendar, kolen kek dad buder hi.

Debleskri gili 138:6

Awa, ninna te hal jaake dur pral halauter, dikeh tu kolen, kai tele rikede hi. Un kol pre-phurden prindjreh fun dural.

Debleskri gili 146:9

O baro Dewel dell ap i wi-themarja jak, un hi ap i rig kol tchawendar, kolen kek dad buder hi, un ap i rig kol djuwjendar, kolengro rom meras. I tchilatchenge tchiwell lo barra an lengro drom.

Debleskri gili 52:1

I gili o rajeske pral i gipangre. O David kras kai gili,

Debleskri gili 52:5

Tu kameh o tchilatchepen budeder har o latchepen. Un o chochepen kameh tu budeder har o tchatchepen.

Gosewe laba 12:7

I tchilatche wenn tele witsedo un hi gar buder koi. O kheer kolendar, kai an o tchatchepen tardo hi, atchell tardo.

Gosewe laba 14:11

O kheer o tchilatchestar well tele phagedo, i familjake kolestar, kai djal o tchatcho drom, djal mishto un well bareder.

Gosewe laba 15:26

O baro Dewel dikell chojedes ap ko midjak koowa, hoi lell pes i tchilatcho glan. Latches dikell lo ap koleste, kai rakrell latche laba.

Gosewe laba 23:10

Ma tchip kol phure barra krik, hoi sikrenn, har baro tiro them hi. Ma le i phub kol tchawendar krik, kolen kek dad buder hi.

Jesaja 1:17

Dikenn, har te krenn o latchepen, denn jak, te lell hakeno peskro tchatchepen. Awenn ap i rig kolenge, kai tele rikedo wenn. Kol tchawe, kolen kek dai un kek dad hi, kolenge krenn o tchatchepen win. Un kol djuwja, kolenge o rom meras, kolengro koowa lenn an tumaro wast!”

Jesaja 2:12

Leskro diwes wella, ko diwes o baro Deblestar, ko rajestar pral o bolepen un i phub. Ap ko diwes well hako pre-phurdo tiknes kerdo, ninna hakeno, kai hadas pes, hakeno kai kras pes bares.

Jeremia 5:28

Thullo un pesso hi le, un mukenn gar tele te krenn le tchilatchepen. O tchatchepen lenn le gar an o wast, te lenn kolendar pengro tchatchepen, kai tchorwelo hi, ninna kol tchawendar, kai len kek dad buder hi.

Daniel 5:20

Har hadas pes leskro dji, un was job jaake pre-phurdo, te rikras lo glan tchi buder pale, was lo tele witsedo peskro rajeskro beshepaskri. Un o rajeskro barepen was lestar krik lino.

5. Mose 19:14

An ko tsiro, kai djiwenn an ko them, hoi tumaro baro Dewel tumen dell, te lenn les tumenge dren, palle hunte tchiwess gar kol barra ap i rig, hoi sikrenn har baro hi ko kotar them kolestar, kai langs tute djiwell. Kolla his tire phure, kai tchiwan kol barra koi.

Jakobo 1:27

Kanna penau tumenge, hoi o Dewel, maro dad, kamella, un hoi hi latcho glan leskre jaka: Krenn latchepen i tchorwele djuwjenge, kolen kek rom buder hi! Krenn ninna latchepen kol tchorwele tchawenge, kolen kek dad un dai buder hi! Ma mukenn tumen dren an ko tchilatcho koowa, hoi i menshe ap kai phub krenna.

1. Petro 5:5

Kol terne menshenge penau me: Krenn kowa, hoi kol phureder phrala tumenge penenna! Hakeneske penau: Kek te krell, har te well lo bareder har ko wawar! O Dewel hi gar ap i rig kolendar, kai krenn pen bares. Na-a, job hi latches kolenge, kai krenn pen gar bares.