Gosewe laba 15:24 - O Debleskro Drom 2021 (Sinte)

²⁴ Kowa, kai haiwell, hoi mishto un gar mishto hi, koleske djal peskro drom pre an o djipen. Un job rikrell pes pale o dromestar, kai djal tele pash i mulende.

O Debleskro Lab 2024 (Sinte-Manouche)

²⁴ Kova, kay hayvell, hoy mishto oun gar mishto hi, koleske djal peskro drom pre an o djipen. Oun yob rikrell pes pale o dromestar, kay djal tele pash i moulende.

Gosewe laba 15:24 ပူးပေါင်းရင်းမြစ်များ

Debleskri gili 139:24

Un te dikeh, te hom ap i drom, hoi tutar krik djala, palle ab un le man pale ap ko drom, hoi pash tute djala!

Debleskri gili 16:11

Tu sikreh o drom, kai an o djipen anell. Pash tute hom bachtelo. Te hom kote, kai tu hal, bashrell miro dji hako tsiro.

Gosewe laba 2:18

Te djah an lakro kheer, weh ap i drom, hoi djal an o merepen. Lakre dromma djan an o mulengro them.

Gosewe laba 23:14

Tu deh les o kashteha, un rikreh les jaake pale, ap o merepaskro drom te well.

Gosewe laba 4:18

O drom kolendar, kai o tchatchepen krenn, hi har o kham, hoi taissarlakro pre djal, un o diwes anell un sorleder well bis te hi lo pralstunes tardo.

Gosewe laba 5:5

Joi tserdell tut peha an o merepen. Ko drom, kai li djal, anell an o mulengro them.

Gosewe laba 6:23

Kowa, hoi tiro dad un tiri dai tuke pashel anan, hi har i momeli ap tiro drom. Te denn le tut trad, rikrenn le tut ap o drom, hoi o djipen anell.

Gosewe laba 7:27

Lakro kheer hi o wudar an o mulengro them. Koon pash late djal, hi ap o drom an o merepen.

Gosewe laba 9:8

Te peneh i pre-phurdes, kai kowa, hoi lo kras, gar mishto hi, palle well lo chojedo ap tute. Te peneh i gosewes, kai kowa, hoi lo kras, gar mishto hi, palle kamell lo tut.

Jeremia 21:8

Un ap kal menshende an o foro Jerusalem pen: Kowa penell o baro Dewel: Tumer nai rodenn tumenge win, hoi kamenna: o djipen oder o merepen.

Mateo 7:14

Tikno hi ko wudar un gar buchlo hi ko drom, kai i menshe hatsenn o djipen. Un gar bud hi kolla, kai ap ko drom djana.

Johanni 14:6

“Me hom o drom, un o tchatchepen un o djipen,” penas o Jesus. “Dell kek wawar drom pash o dadeste, har man.

5. Mose 32:22

Miri choli chatchell pre har i jag, un chatchrell i tseli phub, un halauter, hoi ap late bares was, un chatchell tele bis an o telstunepen, un well bis tele pash i berge.

Filiparja 3:20

Maro them, kai khere ham, hi o bolepen, kai o rai, o Jesus Kristo, hi. Mer dikah ap ko diwes, kai well lo pale, un te dell lo men o djipen, hoi gar pre-herella.