Gosewe laba 15:23 - O Debleskro Drom 2021 (Sinte)

²³ Bachtelo hi o mursh, te djinell lo, hoi te rakrell lo. Har latcho hi o tchatcho lab ap o tchatcho tsiro.

O Debleskro Lab 2024 (Sinte-Manouche)

²³ Barhtelo hi o morsh, te djinell lo, hoy te rakrell lo. Har lačo hi o čačo lab ap o čačo tsiro.

Gosewe laba 15:23 ပူးပေါင်းရင်းမြစ်များ

Hiob 6:25

Tchatche laba rakrenn an o dji. Tumare laba hi tchi moldo. Tumer penenn mange gar, hawo tchilatchepen me krom.

Gosewe laba 12:14

Koon latchepen rakrella, djiwell ninna latches. I mensho lell pale, hoi lo peskre wastentsa krell.

Gosewe laba 12:25

I pharo dji tserdell i menshes tele. I latcho lab krell les bachtelo.

Gosewe laba 15:22

Kowa, hoi jekes an o shero hi, djal gar mishto, te putchell lo gar i wawarendar, hoi jon patsenna. Kote, kai bud menshe hi, kai denn pengro goswepen pashel, kote djal mishto.

Gosewe laba 16:13

I mensho, kai o tchatchepen rakrell, krell, te dikell o baro rai latches ap leste. Job kamell o murshes o labestar.

Gosewe laba 16:24

Kamle laba hi har gwin, rakrenn kamles an o dji un denn newi soor.

Gosewe laba 24:26

Te deh tu i latcho lab pale, hi kowa har te dess i tchum.

Sikepaskro 3:1

Halauter, hoi djal ap i phub, koles hi peskro tsiro. Halauter, hoi krah, djal an o tchatcho tsiro:

Jesaja 50:4

O baro Dewel, miro rai, das man i tchip har i siklen jek hi, te djinap, har te rakrap latches kolentsa, kai khino hi. Taissarlakro djangrell lo mire kanna pre, te shunap har jek, hoi lestar siklo well.

Johanni 1:37

Har kol dui kowa shunan, djan le o Jesuseske palla.

Johanni 11:29

Har i Maria kowa shunas, stas joi sik pre un was pash leste.

Efesarja 4:29

Rakrenn kek tchilatche un djungele laba! Kowa, hoi tumer penenna, hunte well latches kolenge, kai shunenna, te lenn le newi soor an pengro djipen.