Gosewe laba 15:12 - O Debleskro Drom 2021 (Sinte)

¹² O pre-phurdo choirell pes pral koleste, kai leske penell, hoi lo gar mishto kras. Un job djal gar pash kolende, kai gosewo hi.

O Debleskro Lab 2024 (Sinte-Manouche)

¹² O pre-phourdo rhoyrell pes pral koleste, kay leske penell, hoy lo gar mishto kras. Oun yob djal gar pash kolende, kay gosevo hi.

Gosewe laba 15:12 ပူးပေါင်းရင်းမြစ်များ

2. Familjakro liil 18:7

O baro rai o themestar Israel penas ap o Josafat: “Kate hi gomme jek mursh, o Micha, koleskro dad o Jimla hi, kai nai mukah o baro Deblestar te putchell. Man hi i choli ap leste. Hako kopo, kai penas lo mange tchomone glan-wi, his les kek latcho lab mange, kokres djungele laba his les mange.” O Josafat penas pale pale: “Tu, o baro rai, hunte rakress gar jaake!”

Hiob 21:14

I tchilatche penenn ap o Debleste: “Dja tuke mendar! Mer kamah tchi tire dromendar te djinell.

Gosewe laba 1:22

Tumer, kolen tchi an o shero hi: Har rah kamenn tumer dinelo koowa te krell? Tumer sapangre, har rah kamenn tumer pral o wawareste te sal un les praassell? Tumer dinele, har rah penenn: Mer kamah gar te djinell, hoi tchatcho hi?

Gosewe laba 13:1

I gosewo tchawo shunell ap peskro dadeste, te penell job leske, hoi lo gar mishto kras. I pre-phurdo sal un shunell ninna gar, te well lo trad dino.

Gosewe laba 14:6

I pre-phurdo, te rodell lo o goswepen, hatsell lo les gar. Kowa, kai peskro djijeha rakrell, koleske hi gar phares tchomone dren te dikell.

Gosewe laba 15:10

Kolla, kai o Debleskro drom mukenn, lenn i phari phagi. Koon mukell pes tchi te penell, hunte merell.

Amos 5:10

Chojedo han tumer ap koleste, kai tumenge o tchatchepen penell, un tumende sikrell, kai kowa gar mishto hi, hoi kran.

Johanni 7:7

I menshe hi gar tchilatcho ap tumende. Ap mande hi le tchilatcho. Me penom lenge, kai kowa, hoi jon krenna, tchilatcho hi.

2. Timoteo 4:3

Well i tsiro, kai kamenn le o Debleskro tchatchepen buder gar te shunell. Jon djiwenna, har jon kamenna, un rodenn penge sawe sikepangre, kai kowa len sikrenna, hoi jon kamenn te shunell.