Gosewe laba 15:10 - O Debleskro Drom 2021 (Sinte)

¹⁰ Kolla, kai o Debleskro drom mukenn, lenn i phari phagi. Koon mukell pes tchi te penell, hunte merell.

O Debleskro Lab 2024 (Sinte-Manouche)

¹⁰ Kolla, kay o Debleskro drom moukenn, lenn i phari phagi. Koon moukell pes či te penell, hounte merell.

Gosewe laba 15:10 ပူးပေါင်းရင်းမြစ်များ

1. Rajengro liil 18:17

Un har o Ahab o Elijas dikas, penas lo ap leste: “Hal tu kowa, kai anom o Israel an i bibacht dren?”

1. Rajengro liil 21:20

Kote penas o Ahab ap o Elija: “Hatsal man pale, tu, kai kameh mange tchilatchepen?” Kote penas lo: “Awa, me hatsom tut! Tu bikral tut, te kress kowa, hoi glan i jaka o baro Deblestar tchilatcho hi.

1. Rajengro liil 22:8

O baro rai pral Israel penas ap o Josafat: “Kate hi gomme jek mursh, o Micha, koleskro dad o Jimla hi, kowa nai putchell menge o baro Deblestar. Man hi i choli ap leste. Hako kopo, kai penas lo mange tchomone glan-wi, his les kek latcho lab mange, kokres djungele laba his les mange.” O Josafat penas pale pale: “Tu, o baro rai, hunte rakress gar jaake!”

Hiob 34:27

Kowa krell lo doleske, kai djan jon leskro dromestar tele, un dan gar jak ap kowa, hoi job lendar kamas.

Debleskri gili 50:17

Kowa choirell tut, te hunte rikress tut ap mire laba. Kowa, hoi tuke penom, kameh tu gar te krell.

Gosewe laba 1:25

Tumer mukan tumen tchi te penell, un dan gar jak ap kowa, hoi penom.

Gosewe laba 1:30

Har penom lenge, hoi lenge latcho hi, kran le kowa gar. Har dom len trad, dikan le krik.

Gosewe laba 10:17

Kowa, kai shunell ap koleste, kai dell les trad, kowa djal ap o drom, hoi anell o djipen. Kowa, kai kamell gar te shunell, hi ap i drom, kai djal lo nashedo.

Gosewe laba 12:1

Koleske, kai kamell gosewo te well, hi shukar, te well leske penlo, hoi lo gar mishtes kras. Kowa, kai mukell pes tchi te penell, atchell dinelo.

Gosewe laba 13:1

I gosewo tchawo shunell ap peskro dadeste, te penell job leske, hoi lo gar mishto kras. I pre-phurdo sal un shunell ninna gar, te well lo trad dino.

Gosewe laba 15:11

O baro Dewel djinell, hoi hi an o telstunepen un an o mulengro them. Har bud budeder djinell job, hoi an i menshengre djia hi.

Gosewe laba 15:9

O baro Dewel dikell chojedes ap kowa, hoi i tchilatche krenn. Koon peskro tselo djijeha o tchatchepen krell, koles kamell job.

Gosewe laba 23:35

Palle peneh: “Mange hi, har dans le man, ninna te haiwom kek duk, har te marans le man khetne, ninna te dukell mange tchi. Te hom wi-sodo, palle djau pale koi.”

Gosewe laba 5:12

un peneh: “Har dinelo homs, har dom gar jak, hoi mange penlo was. Hoske shunom gar ap koleste, kai das man trad?

Jeremia 2:17

Kowa lauter hi tiri doosh! Bud kope kamas o baro Dewel, tiro rai, tut ap o tchatcho drom te anell. Un tu mukal les!

Ezekiel 33:9

Tu te dal les trad, un penal leske, te hunte djal lo tele peskro tchilatcho dromestar, un job krell kowa gar, palle lell lo peskri phagi, un hunte merell. Tiro djipen lal tu dran o merepen win.

Johanni 3:20

Kolla, kai o tchilatcho koowa krenna, kamenna gar koi momeli. Jon atchenn penge an o tamlepen, jaake kai dikenn i wawar gar, hawo tchilatcho koowa jon krenna.

Johanni 7:7

I menshe hi gar tchilatcho ap tumende. Ap mande hi le tchilatcho. Me penom lenge, kai kowa, hoi jon krenna, tchilatcho hi.