Gosewe laba 14:8 - O Debleskro Drom 2021 (Sinte)

⁸ O gosewo dell jak har lo djiwell, doleske hi lo gosewo. I narwele perenn hako kopo ap dinlepen dren. Un jaake chochenn le pen kokres.

O Debleskro Lab 2024 (Sinte-Manouche)

⁸ O gosevo dell yak har lo djivell, doleske hi lo gosevo. I narvele perenn hako kopo ap dinlepen dren. Oun yaake rhorhenn le pen kokres.

Gosewe laba 14:8 ပူးပေါင်းရင်းမြစ်များ

Debleskri gili 111:10

Koon djiwell o baro Debleha, kowa lell goswepen. Gosewo hi hakeno, kai ap o baro Debleskre laba shunella. Te sharas les hako tsiro!

Debleskri gili 119:5

An miro tselo djipen kamoms te krap, hoi mandar kameh.

Debleskri gili 119:73

Tire wasta kran man un rikran man. Kre, te haiwap tire laba!

Debleskri gili 143:8

Ap i tsalla muk man tiro latchepen te shunell. Me dikau ap tute. Sike man hawo drom me hunte djap. Miro dji nashell pal tute.

Gosewe laba 11:18

I tchilatcho mensho lell peske sau koowa khetne, hoi leske gar atchell. Koon an o tchatchepen peskri budi krell, lell i plaissepen, hoi atchell.

Gosewe laba 12:5

O Debleskre menshe kamenn o tchatchepen te krell. Tchilatche menshen hi tchi an o shero har chochepen.

Gosewe laba 15:21

Kones tchi an o shero hi, kowa kamell narwelo koowa. I mursh, kai haiwell, hoi mishto un gar mishto hi, atchell ap o tchatcho drom.

Gosewe laba 2:9

Palle haiweh, hoi glan o Debleste mishto un tchatcho hi, har nai djah ap leskro drom, un djiweh i djipen, hoi an leskre jaka latcho hi.

Gosewe laba 8:20

Kote, kai i menshe ap o tchatcho drom djan, un an o tchatchepen tardo hi, kote hom me ninna,

Sikepaskro 2:13

Me dikom, o goswepen hi feteder har o dinlepen, jaake har o diwes feteder hi har i rati.

Sikepaskro 2:16

I gosewe hunte merenn, un i dinele ninna. Un ko gosewo well jaake sik bistedo har ko dinelo. An i tsirja kai wenna, hi halauter bistedo.

Jeremia 13:20

Jerusalem, dik hoi wella! Kurepangre wenna kotar, kai norden hi! Hoi well kanna dran kol forja an Juda? Tu hals lenge har i bakrengro, un i menshe koi dren har tire bakre, kolentsa sharal tut.

1. Korintarja 3:19

Kowa, hoi pash i menshende goswepen hi, hi an o Debleskre jaka dinlepen. An o Debleskro lab hi tchinlo: O Dewel taprell kolen an lengro chochepen, kai penenn pendar, kai jon gosewo hi.

Efesarja 4:22

Ma djiwenn buder gar tumaro phuro djipen! An tumaro phuro djipen was o tchilatcho koowa baro an tumare djia, un tumer kran, hoi tumenge gar mishto hi. Sawo koowa krell tumaro djipen paash.

Efesarja 5:17

Doleske krenn tumaro dji pre, te haiwenn, hoi o rai Jesus tumendar kamella!

2. Timoteo 3:13

Kol tchilatche menshe un kol chochene, kai krenn jaake, har te wans le patslo, kolentsa well djungleder un djungleder. Jon peran o Debleskro dromestar tele, un tserdenn ninna wawaren o Debleskro dromestar tele.

Jakobo 3:13

Koon gosewo hi mank tumende un djinell bud, kowa hunte sikrell dran peskro latcho djipen, kai haiwas lo, hoi mishto un tchatcho hi. Un job sharell pes gar pral ko latcho koowa, hoi job kras.