Gosewe laba 14:6 - O Debleskro Drom 2021 (Sinte)

⁶ I pre-phurdo, te rodell lo o goswepen, hatsell lo les gar. Kowa, kai peskro djijeha rakrell, koleske hi gar phares tchomone dren te dikell.

O Debleskro Lab 2024 (Sinte-Manouche)

⁶ I pre-phourdo, te rodell lo o gosvepen, hatsell lo les gar. Kova, kay peskro djiyeha rakrell, koleske hi gar phares čomone dren te dikell.

Gosewe laba 14:6 ပူးပေါင်းရင်းမြစ်များ

Debleskri gili 119:18

Kre mange i jaka pre, te nai dikap har shukar hi te djap tiro drom.

Gosewe laba 1:5

Kolla, kai gosewo hi, shunenn, har te wenn le gomme gosweder. Kolla, kai siklo hi, hatsenn, har te djan le pengro drom.

Gosewe laba 14:5

Te penell i mursh o labestar, hoi lo dikas un shunas, rakrell lo o tchatchepen. Te penell i chocheno, hoi lo dikas un shunas, anell lo chochepen pre.

Gosewe laba 14:7

Ma dja khetne i narweleha! Tu shuneh lestar tchi wawar har dinelo koowa.

Gosewe laba 15:12

O pre-phurdo choirell pes pral koleste, kai leske penell, hoi lo gar mishto kras. Un job djal gar pash kolende, kai gosewo hi.

Gosewe laba 17:16

Hoske hunte dals i dinelo lowe win, te nai djal lo an i sikepaskri? Leske djal tchi an leskro shero.

Gosewe laba 17:24

Kowa, kai haiwell, hoi mishto un gar mishto hi, mukell pes gar tele te rikrell, te lell lo gomme budeder goswepen. I dinelo dikell kate te kote.

Gosewe laba 18:2

I dinelo kamell tchi te haiwell, job kamell te sikrell, hoi job lauter djinell.

Gosewe laba 24:7

I dinelo haiwell gar gosewe laba. Kote, kai i tchatchepangre khetne wenna, nai krell lo peskro mui gar pre.

Gosewe laba 26:12

I dinelo nai well sikeder gosewo har jek, kai pestar kokres patsell, te hi lo gosewo.

Gosewe laba 8:8

Lauter, hoi rakrau, hi tchatcho. An miro rakepen hi kek chochepen, tchi hoi gar tchatcho hi.

Gosewe laba 8:9

Koon haiwell, hoi mishto un gar mishto hi, kowa haiwell, te hi mire laba tchatcho. Un koon bud djinell, kowa dikell, te hi le o tchatchepen.

Jesaja 8:20

Rikrenn tumen ap o Debleskro drom, un ap kowa, hoi job tumende sikrell! Te penenn i menshe tumenge wawar koowa, palle well lenge kek momeli ap lengro drom.

Jeremia 8:9

Kol gosewe witsran o Debleskro lab pal pende. Hawo goswepen atchell lenge? O diwes well, kai well ladj un daar pral lende. Jon wenn tapedo un pandles krik anlo.

1. Korintarja 8:2

Koon patsella, te hi lo gosewo, kowa djinell gar, hoi tchatcho goswepen hi.

Jakobo 1:5

Te djinell jek tumendar gar, hoi o Dewel lestar kamella, palle nai mangell lo o Debles, te sikrell job leste kowa. O Dewel hi latcho, un job dell o djijestar, ninna te weh tu bud kope pash leste.