Gosewe laba 14:14 - O Debleskro Drom 2021 (Sinte)

¹⁴ Koon bange dromma djal, koleske djal jaake, har lo djiwas. Ninna i latcho mursheha hi jaake: job lell pale pal kowa, hoi job kras.

O Debleskro Lab 2024 (Sinte-Manouche)

¹⁴ Koon bange dromma djal, koleske djal yaake, har lo djivas. Ninna i lačo morsheha hi yaake: yob lell pale pal kova, hoy yob kras.

Gosewe laba 14:14 ပူးပေါင်းရင်းမြစ်များ

Debleskri gili 109:17

Job kamas o praassepen. Jaake mu well kowa ninna ap leste! Job kamas gar te rakrell i bacht pral jekeste win. Kanna, mu atchell i bacht dur lestar!

Gosewe laba 12:14

Koon latchepen rakrella, djiwell ninna latches. I mensho lell pale, hoi lo peskre wastentsa krell.

Gosewe laba 12:21

Kek tchilatcho koowa well ap kolende, kai an o tchatchepen tardo hi. Ap i tchilatchende well bud bibacht.

Gosewe laba 14:10

Ko mensho, koleskro dji rowell, hi kokres. Un ninna te stell leskro dji i bachtjatar, nai haiwell kek wawar tchatchepah leskri bacht.

Gosewe laba 14:15

Koles tchi an o shero hi, kowa patsell hako lab, hoi jek ap leste rakrell. Kones i gosewo dji hi, kowa dell jak, hoi lo krell un kai lo djal.

Gosewe laba 18:20

I mursh lell, hoi leskro mui rakras. Dran leskre laba lell lo doha djipaske.

Gosewe laba 9:12

Te hal gosewo, hi kowa tuke bud moldo. Te hal pre-phurdo, hunte hidjress kokres, hoi kowa tuke anell.

Jeremia 17:5

O baro Dewel penell: Praassedo well ko mursh, kai mukell man, o baro Debles, un rikrell pes ap i menshende, un putchell lendar, te wenn le ap leskri rig.

Jeremia 2:19

Dran tiro tchilatchepen well kowa ap tute. Tu shunal gar. Doleske leh tu sawi phagi. Tu hunte djiness un haiwess, hawo pharo koowa un duka ap koleste wenna, kai djal peskro baro Deblestar krik, un kamell lestar buder tchi te djinell. Kowa penell o baro Dewel, ko rai pral o bolepen un i phub.

Jeremia 8:5

Hoske nashrenn pen kal menshe an o foro Jerusalem pale te pale, un rissrenn gar trujel? Jon atchenn pash kol chochene deblende, un kamenn gar palpale pash mande te well.

Ezekiel 22:31

Doleske tchorau miri choli win pral lende. Miri tati choli well pral lende har i jag, un jon merenn. Jaake anau lengro tchilatchepen pale ap lengro shero. Kowa penell o baro Dewel, maro rai.

Hosea 4:16

I menshe an Israel hi har i diwji grumni, un mukenn pen tchi te penell. Har nai krals o baro Dewel lentsa, har te wans le tikne bakre, un nai anals len win ap i buchlo kotar phub, te hatsenn le kote senlepen?

Zefanja 1:6

Marau ninna kolen, kai perenn mandar tele, un kolen, kai putchenn gar pal mande, un kamenn tchi mandar te djinell.

Johanni 4:14

Koon ko pani pijella, hoi me les dau, kowa lell an peskro tselo djipen buder kek trush. Ko pani, hoi me les dau, well an leste i djido pani, hoi dell les o djipen, hoi gar pre-herella.”

2. Korintarja 1:12

Maro dji penell menge, mer djiwam maro djipen tchatches un djudjes, jaake har o Dewel kamella. Doleske nai sharah men. Mer rakram pral o Debleskro latchepen un penam tchi, hoi wella dran maro menshengro goswepen. Tumer djinenna, jaake djiwam gar kokres mank i wawar menshende, na-a, ninna pash tumende.

Galatarja 6:4

Hakeno hunte dikell ap peste, har job djiwella. Jaake nai sharell lo pes dran kowa, hoi job krella un dikell gar ap i wawareste.

Galatarja 6:8

Koon krella, hoi leske kokres mishto hi, koleskro djipen atchell gar. Koon krella, hoi o Debleskro Ducho leske penella, kowa lell o Debleskro djipen, hoi gar pre-herella.

Hebrearja 3:12

Mire phrala, denn jak ap tumare djia, te mukell kek tumendar peskro patsepen, un kamell o djido Deblestar buder tchi te djinell.