Gosewe laba 13:4 - O Debleskro Drom 2021 (Sinte)

⁴ Kowa, hoi jek kamell, kai kamell gar te budrell, well les gar. Kolenge, kai bud budrenn, hi doha koi.

O Debleskro Lab 2024 (Sinte-Manouche)

⁴ Kova, hoy yek kamell, kay kamell gar te boudrell, vell les gar. Kolenge, kay boud boudrenn, hi doha koy.

Gosewe laba 13:4 ပူးပေါင်းရင်းမြစ်များ

1. Mose 26:32

Ap ko diwes wan o Isaakeskre budepangre pash leste, un rakran leha pral koi brunna, hoi jon wi-hadan, un penan: “Mer hatsam pani.”

Debleskri gili 92:14

Jon hi har ruka, kai hi tardo an o baro Debleskro kheer, un kai wenn senelo ap i platsa glan o Debleskro kheer.

Gosewe laba 10:4

Koon peskre wasta an i gali tchiddo mukell, kowa well tchorwelo. Koon bud budrell, kowa well brawelo.

Gosewe laba 11:25

Kones i baro dji i wawarenge hi, koleske well jaake bud dino, te well lo budeder har tchalo. Un kowa, kai i trusheles pani dell, koles well ninna pani dino.

Gosewe laba 12:11

Koon ap peskro kotar phub budrell, koleske well bud maro. Koon sawo koowa pal nashell, hoi tchi moldo hi, kowa hi narwelo.

Gosewe laba 12:24

Koon bud budrell, well o rai pral wawar. Koon peskre wasta an i gali tchiddo mukell, well i budepaskro, un hunte budrell tel dawa.

Gosewe laba 12:27

Koon peskre wasta an i gali tchiddo mukell, hatsell tchi, hoi job nai chals. Koles, kai bud budrell, hi bud chapaske.

Gosewe laba 13:3

Kowa kai ap peskro rakepen jak dell, kowa dell jak ap peskro djipen. Koles i baro mui hi, kowa tserdell bibacht ap peste.

Gosewe laba 13:5

O chocheno rakepen hi djungeles glan i jaka kolestar, kai an o tchatchepen tardo hi. O tchilatcho krell praassedo koowa un wi-ladjedo koowa.

Gosewe laba 20:4

Ko tchi-moldo, kai kamell gar ap peskri phub te budrell an o tchatcho tsiro, kowa hatsell tchi an ko tsiro, kai o djob dren anlo well.

Gosewe laba 21:25

Kol tchi-molde, kai kamenn gar te budrell, merenna i bokatar.

Gosewe laba 21:5

Rake tiro djijeha pral kowa, hoi kameh te krell, un palle kre les tiri tseli sorjah. Un tut well bud djipaske. Kowa, kai lauter sik sik krella, koles hi tchi.

Gosewe laba 24:30

Me djom glan wergel ko kotar phub sawestar, kai kamell gar te budrell, un dikom i drakengro them jekestar, koles tchi an o shero hi.

Gosewe laba 24:31

Un subjengre burra his koi tardo un lauter djungelo senlepen, un i massuri trul ko kotar them his tele peredo.

Gosewe laba 26:13

Ko tchi-moldo, kai kamell gar te budrell, kowa penell: Win hi i lewo, awa, mashkral ap o drom hi i lewo.

Gosewe laba 28:25

Kowa, kai bokell pal i lowe, sawo anell tchingepen pre. Kowa, kai rikrell pes ap o baro Debleste, lell budeder har doha te chal.

Gosewe laba 6:6

Tu tchi-moldo, kai kameh gar te budrell, tuke penau: Dja pash i kiri, dik hawi budi joi krell! Un ab gosewo!

Gosewe laba 8:34

Bachtelo hi ko mensho, kai shunell ap mande, kai hi tardo pash miro wudar hako diwes, un dell jak ap miro kheer.

Kamlepaskri gili 5:3

Riwom miro ripen win, hoske te riwap les kanna pale an? Thowom mire pire, hoske te krap len kanna pale tchikles?

Jesaja 58:11

Un hako tsireske sikrell tut o baro Dewel tiro drom. Ninna te djiweh an o mulo tato them, dell lo tut doha djipaske, un dell tut newi soor. Palle hal tu har i baar, kolat hako tsiro doha pani hi, awa, har i pani, hoi dran i phub pre djal, un koleskro pani hako tsiro nashell.

4. Mose 23:10

Kek djinell, har bud menshe o Jakobeskre menshe hi. Awa, kek nai hatsell win, har bud serja i Israelitarja hi? Me kamau, te merap jaake har jek lendar, kol tchatche menshendar. Miro merepen mu well har lengro merepen!

Johanni 6:27

Ma djiwenn o chapaske, hoi paash djala! Djiwenn jaake, te lenn ko djipen, hoi gar pre-herella! O Mensheskro Tchawo kokres nai dell tumen kowa. Jaake sikras o Dewel, kai kowa leskro tchawo hi.”

Hebrearja 6:11

Mer kamah o djijestar, te tchiwell hakeno tumendar peskro dji ap ko shukar djipen, hoi kamell o Dewel les te dell an o bolepen.

Josua 7:3

un wan pale pash o Josua un penan ap leste: “Kowa hi gar i baro foro. Kote hunte djan gar i tsele lurde pre. Jaake dui, triin serja hi doha, te djan le pre un marenn o foro Ai khetne.”