Gosewe laba 13:22 - O Debleskro Drom 2021 (Sinte)

²² Kowa, hoi i latcho mursh pale mukell, well dureder dino leskre tchawende un tchawengre tchawende. O brawlepen kolestar, kai an o tchilatchepen djiwas, lell kowa, kai an o tchatchepen tardo hi.

O Debleskro Lab 2024 (Sinte-Manouche)

²² Kova, hoy i lačo morsh pale moukell, vell doureder dino leskre čavende oun čavengre čavende. O bravlepen kolestar, kay an o čilačepen djivas, lell kova, kay an o čačepen tardo hi.

Gosewe laba 13:22 ပူးပေါင်းရင်းမြစ်များ

Esra 9:12

Doleske ma denn tumare tchen lengre tchawenge! Un lengre tchen ma lenn len tumare tchawenge! Ma awenn lengre mala! Un denn jak, te wenn le gar brawelo, an kek tsiro. Palle nai wenn tumer soreles an o them, un nai chan ko latchepen, hoi an ko them koi hi. Kowa nai denn palle tumare tchawen, te djiwenn le an hako tsiro an ko them.’

Debleskri gili 102:28

Tu atcheh jaake har tu hal, un djiweh hako tsiro.

Debleskri gili 112:2

Koleskre tchawe wenn soreles an o tselo them. O baro Dewel tchiwell peskri bacht ap kolengre tchawende, kai o tchatcho drom djan.

Debleskri gili 128:6

Un ninna dikeh i tchawe tire tchawendar. Bacht te well pral o Israel!

Debleskri gili 37:25

Me homs terno un wom phuro. An ko tselo tsiro dikom me kekes kokres muklo, kai an o tchatchepen tardo hi; un kekes leskre tchawendar dikom, kai hunte mangas peske maro.

Gosewe laba 17:6

Tchawengre tchawe hi har i rajeskri stadi i phurenge. Un i tchawe sharenn pen pengro papeha un pengri mami.

Gosewe laba 28:8

Kowa, kai bare lowe kolendar lell, kolen pash leste sijaan hi, un krell pes koleha braweles, koleskro brawlepen lell sawo mensho, koles i baro dji i tchorwelenge hi un lende dell.

Sikepaskro 2:26

Kol menshe, kai djiwenn jaake har glan o Debleste mishto hi, kolla lenna lestar goswepen un bacht an o dji. Kolla, kai djan o Debleskro dromestar tele, kolen mukell lo te budrell un brawlepen khetne anell, hoi pal i tsiro i wawareske well, jekeske, kai djiwell jaake har glan o Debleste mishto hi. Palle his leskri tseli budi tchitcheske, un jaake har te nashals lo pal o ducho, hoi djal pral i phub.