Gosewe laba 13:21 - O Debleskro Drom 2021 (Sinte)

²¹ Kolla, kai o Debleskro dromestar tele djan, kolen lell i bibacht palla un taprell len. Kolla, kai an o tchatchepen tardo hi, lenn latcho koowa.

O Debleskro Lab 2024 (Sinte-Manouche)

²¹ Kolla, kay o Debleskro dromestar tele djan, kolen lell i bibarht palla oun taprell len. Kolla, kay an o čačepen tardo hi, lenn lačo koova.

Gosewe laba 13:21 ပူးပေါင်းရင်းမြစ်များ

1. Mose 4:7

Kowa hi jaake: Te kreh, hoi mishto hi, nai dikeh tu i menshen an i jaka. Te kreh, hoi gar mishto hi, hi o tchilatchepen gar dur tutar, un kamell rai pral tute te well. Tu hunte wess rai pral o tchilatchepen.”

Debleskri gili 140:11

Muk jagakre barra ap lende te perell! Witse len an i jag! Muk len te perell an o telstunepen, jaake te nai stenn le buder gar pre!

Debleskri gili 32:10

Ap i tchilatche menshende wenn bud duka. Koon tchiwell peskro tselo patsepen ap o baro Debleste, trul koleste tchiwell job peskro latchepen.

Debleskri gili 54:5

Menshen, kai me gar prindjrau, kolla hadenn pen ap mande, depangre kamenn man te marell. O Dewel hi len gar glan i jaka.

Gosewe laba 11:31

Djiness, i latcho mensheske ap kai phub well o latchepen pale dino, hoi lo kras. Har bud budeder well palle o tchilatchepen pale dino kolenge, kai o tchilatchepen kran un o Debleskro drom mukan.

Gosewe laba 13:13

Koleske, kai i latcho lab i herjentsa stakrell, djal djungeles. Koleske, kai rikrell pes ap ko lab, djal mishto.

Gosewe laba 17:13

Koleske latchepen kerdo was, un job tchilatchepen pale das, dran koleskro kheer djal i bibacht buder gar krik.

Gosewe laba 24:16

Kowa, kai an o tchatchepen tardo hi, nai perell efta kope, hako kopo stell lo pale pre. I tchilatche perenn an i bibacht.

Jesaja 47:11

Kanna well i bibacht pral tute, hoi tu nai gar krik drawereh. Awa, bibacht perell ap tute, kolatar nai nasheh gar tuke. Un jaake sik well koi bibacht pral tute, te nai dikeh lat gar glan-wi.

Ezekiel 7:5

Kawa hi, hoi o baro Dewel, maro rai penell: Shunenn, bibacht pal bibacht wella!

4. Mose 32:23

Te kamenn tumer kowa gar te krell, palle lenn i doosh ap tumende glan o baro Debleste. Un kowa dikenn tumer, te well koi phagi ap tumende.

Bičepangre 28:4

Har kol menshe ko themestar ko sap ap leskro wast dikan, penan le: “Kawa hi jek, kai maras jekes. Dran o baro pani was job djido win, un kanna lell lo peskri phagi.”