Gosewe laba 12:27 - O Debleskro Drom 2021 (Sinte)

²⁷ Koon peskre wasta an i gali tchiddo mukell, hatsell tchi, hoi job nai chals. Koles, kai bud budrell, hi bud chapaske.

O Debleskro Lab 2024 (Sinte-Manouche)

²⁷ Koon peskre vasta an i gali čiddo moukell, hatsell či, hoy yob nay rhals. Koles, kay boud boudrell, hi boud rhapaske.

Gosewe laba 12:27 ပူးပေါင်းရင်းမြစ်များ

Debleskri gili 37:16

Ko tikno brawlepen, hoi koleskro hi, kai an o tchatchepen tardo hi, hi feteder har ko baro brawlepen bud tchilatchendar.

Gosewe laba 10:4

Koon peskre wasta an i gali tchiddo mukell, kowa well tchorwelo. Koon bud budrell, kowa well brawelo.

Gosewe laba 12:26

Kowa, kai an o tchatchepen tardo hi, hatsell peskro drom. I tchilatchen anell pengro drom kote, kai djan le nashedo.

Gosewe laba 13:4

Kowa, hoi jek kamell, kai kamell gar te budrell, well les gar. Kolenge, kai bud budrenn, hi doha koi.

Gosewe laba 15:16

Hi feteder, te hal tchorwelo un djiweh o baro Debleha, har te hi tut i baro brawlepen un hunte daress halautereske.

Gosewe laba 16:8

Hi feteder, te hi tut gar bud, un kowa lal tuke khetne kek chochepah, har te well tut bud brawlepen, hoi anal khetne o chochepah.

Gosewe laba 23:2

Ma pere pral o chapen, har bari ninna tiri bok hi.

Gosewe laba 26:14

Jaake har i wudar rissrell pes an i rikepangre, jaake rissrell pes an peskro tchiben ko tchi-moldo, kai kamell tchi te budrell.

Gosewe laba 26:15

I tchi-moldo, kai kamell tchi te krell, tchiwell peskro roi an o tcharo, un anell peskro wast gar pash o mui.