Gosewe laba 12:17 - O Debleskro Drom 2021 (Sinte)

¹⁷ I mursh o labestar rakrell o tchatchepen win. I chocheno, kai dell glan, te penell lo, hoi lo dikas un shunas, anell chochepen pre.

O Debleskro Lab 2024 (Sinte-Manouche)

¹⁷ I morsh o labestar rakrell o čačepen vin. I rhorheno, kay dell glan, te penell lo, hoy lo dikas oun shounas, anell rhorhepen pre.

Gosewe laba 12:17 ပူးပေါင်းရင်းမြစ်များ

Gosewe laba 12:16

Koon peskri choli sik sikrell, hi dinelo. Koon krell, har te shunals lo o praassepen gar, kowa hi gosewo.

Gosewe laba 12:18

Laba, hoi sik win rakedo wenna, nai denn tchurje har i charo. O rakepen i gosewe menshendar anell sastepen.

Gosewe laba 14:25

Kowa, kai dureder penella an o tchatchepen, hoi lo dikas un shunas, kowa lell menshen dran o merepen win. Kowa, kai anell chochepen ap i wawareste pre, hi i chocheno.

Gosewe laba 14:5

Te penell i mursh o labestar, hoi lo dikas un shunas, rakrell lo o tchatchepen. Te penell i chocheno, hoi lo dikas un shunas, anell lo chochepen pre.

Gosewe laba 19:28

Jek, kai hunte penell, hoi lo dikas un shunas, un kai tchi moldo hi, leske hi o tchatchepen sapaske. Un tchilatche menshe chan o tchilatchepen har maro.

Gosewe laba 19:5

Kowa, kai chochras, har penas lo, hoi lo dikas un shunas, kowa lell peskri phagi. Un kowa kai chochepen pre anas, kowa well tapedo un nai nashell gar peske.

Gosewe laba 21:28

Kowa, kai chochras, har penas lo, hoi lo dikas un shunas, ap koleskro shero well leskro chochepen pale. Ko mursh, kai mishto shunas, hoi leske penlo was, koles mukenn le rakrell, un hoi job penell, atchell lenge an o shero.

Gosewe laba 24:28

Ma an chochepen pre ap i wawareste! Pen o tchatchepen!

Gosewe laba 6:19

jek, kai tchomone ap i wawareste pre anell, hoi gar tchatcho hi; jek, kai anell tchingepen mank phralende.

Zakarie 8:16

Kowa hi, hoi hunte krenn tumer: Rakrenn o tchatchepen jek o wawareha. Denn hakeneste peskro tchatchepen, te well o tchingepen krik lino.

Mateo 15:19

Dran o mensheskro dji well o tchilatcho koowa, hoi an leskro shero trujel djal. Dran leskro dji well, te dell lo i wawares mulo. Te chochell i mursh peskri romjat, well kowa dran leskro dji. Te chochell i djuwel peskro romes, well kowa dran lakro dji. Dran o dji wella o wi-ladjedo koowa, o tchorepen, o chochepen, un o praassepen.

Mateo 26:59

Un i bare rashaja un i tsele pralstune bibolde rodan murshen, kai anenn chocheno koowa ap o Jesuseste, te nai marenn le les.

Bičepangre 6:13

Kolla, kai chochepen ap leste pre anan, kolla penan: “Kau mursh mukell gar tele te rakrell lo djungele laba pral o Debleskro baro kheer un pral o Moseskre laba.

1. Petro 3:16

Rakrenn lentsa latchepah, un krenn tumen gar bares pral lende! Rakrenn dran i djudjo dji, te well i ladj ap kolende, kai rakrenn djungeles pral tumaro djipen o Jesus Kristeha!