Gosewe laba 12:15 - O Debleskro Drom 2021 (Sinte)

¹⁵ O drom, kai o dinelo djal, hi an leskre jaka tchatcho. I gosewo mensho shunell ap kowa, hoi wawar leske penenn, te krell lo.

O Debleskro Lab 2024 (Sinte-Manouche)

¹⁵ O drom, kay o dinelo djal, hi an leskre yaka čačo. I gosevo mensho shounell ap kova, hoy vavar leske penenn, te krell lo.

Gosewe laba 12:15 ပူးပေါင်းရင်းမြစ်များ

Gosewe laba 1:5

Kolla, kai gosewo hi, shunenn, har te wenn le gomme gosweder. Kolla, kai siklo hi, hatsenn, har te djan le pengro drom.

Gosewe laba 13:1

I gosewo tchawo shunell ap peskro dadeste, te penell job leske, hoi lo gar mishto kras. I pre-phurdo sal un shunell ninna gar, te well lo trad dino.

Gosewe laba 13:10

Mank i pre-phurde hi hako tsiro tchingepen. Te hal gosewo, mukeh tuke tchomone te penell.

Gosewe laba 14:12

Hi menshe koi, kai patsenn, kai lengro drom o tchatcho drom hi, un djinenn gar, kai anell lo len an o merepen.

Gosewe laba 14:16

O gosewo darella un rikrell pes pale o tchilatchepastar. O dinelo well sik chojedo un patsell, te nai djal leske kek tchilatchepen.

Gosewe laba 16:2

Hako drom hoi i mursh djal, hi an leskre jaka tchatcho, o baro Dewel dikell dur an leskro dji.

Gosewe laba 16:25

Kote dell i drom, kowa i mursheske tchatches win dikell, pal i tsiro anell lo les an o merepen.

Gosewe laba 19:20

Shun ap kowa, hoi jek ap tute penell, un muk tuke tchomone te penell, te wess pal kowa gosewo.

Gosewe laba 21:2

Hako drom i menshestar hi mishto an peskre jaka. O baro Dewel dikell palla, hawo dji koi palla tardo hi.

Gosewe laba 26:12

I dinelo nai well sikeder gosewo har jek, kai pestar kokres patsell, te hi lo gosewo.

Gosewe laba 26:16

I tchi-moldo, kai kamell gar te budrell, hi an peskre jaka gosweder har efta, kai djinenn, hoi mishto un tchatcho hi.

Gosewe laba 28:11

O brawelo hi gosewo an peskre jaka, un o tchorwelo, kai tchatchepah gosewo hi, dikell, koon glan leste hi, un perell gar ap leste dren.

Gosewe laba 3:7

Ma ab gosewo an tire jaka! Muk o baro Dewel tiro rai te well, un rike tut krik i tchilatche dromma!

Gosewe laba 30:12

Hi menshe koi, kai an pengre jaka djudjo hi, un lengro djungelo koowa was gar tele thodo.

Gosewe laba 9:9

Pen i goseweske kowa, hoi job gar mishto kras! Palle well lo gomme gosweder. An koleske tchomone pashel, kai an o tchatchepen tardo hi! Palle djinell lo gomme budeder.

Sikepaskro 4:13

I terno mursh, kai gosewo hi, ninna te hi lo gar brawelo, hi feteder har i phuro baro rai, kai dinelo hi, un mukell peske tchi te penell.

Louka 18:11

Ko Farisari tchiwas pes tardo un penas: Mo Dewel, me parkrau man pash tute, te hom gar jaake har kal wawar menshe: tchorepangre, chochene, un har kolla, kai chochenn pengri romjat i wawar djuwjah, un gar jaake har kowa, kai koi wergel tardo hi: Ko pale-tchiddo.

Galatarja 6:3

Koon patsella, kai job feteder hi har ko wawar, un hi kowa gar, kowa chochell pes kokres.