Gosewe laba 12:1 - O Debleskro Drom 2021 (Sinte)

¹ Koleske, kai kamell gosewo te well, hi shukar, te well leske penlo, hoi lo gar mishtes kras. Kowa, kai mukell pes tchi te penell, atchell dinelo.

O Debleskro Lab 2024 (Sinte-Manouche)

¹ Koleske, kay kamell gosevo te vell, hi shoukar, te vell leske penlo, hoy lo gar mishtes kras. Kova, kay moukell pes či te penell, ačell dinelo.

Gosewe laba 12:1 ပူးပေါင်းရင်းမြစ်များ

Debleskri gili 119:27

Muk man te haiwap, hoi tire laba mange kamenn te penell. Jaake te rakrap pral ko baro sorelo koowa, hoi tu kral.

Debleskri gili 141:5

Latche menshe mu denn man i phagi, un tchingrenn mantsa an o latchepen. I tchilatchendar kamau gar, te sharenn le man. Un me mangau o Deblestar, te krenn le mange kek tchilatchepen.

Debleskri gili 32:9

“Ma awenn dinele har i graja, un i maultikre burike! Lenge hunte tchiwess i shello trujel un i saster an o mui, te nai aness len kote, kai kameh.”

Debleskri gili 50:17

Kowa choirell tut, te hunte rikress tut ap mire laba. Kowa, hoi tuke penom, kameh tu gar te krell.

Debleskri gili 92:6

Baro Dewel, hawo baro koowa kral tu! Hi phares menge te haiwas, hoi tuke an o shero djal.

Gosewe laba 10:8

Koles, kai i gosewo dji hi, rikrell pes ap kol laba, hoi leske penlo wan. jek, kai dinelo koowa rakrell, nashrell halauter.

Gosewe laba 11:31

Djiness, i latcho mensheske ap kai phub well o latchepen pale dino, hoi lo kras. Har bud budeder well palle o tchilatchepen pale dino kolenge, kai o tchilatchepen kran un o Debleskro drom mukan.

Gosewe laba 12:2

Ap i latcho mensheste dikell o baro Dewel latches. Pral koleste, koles o tchilatchepen glan hi, rakrell lo i phagi win.

Gosewe laba 15:10

Kolla, kai o Debleskro drom mukenn, lenn i phari phagi. Koon mukell pes tchi te penell, hunte merell.

Gosewe laba 18:1

Koon pes i wawarendar krik rikrella, rodell, hoi peske kokres shukar hi, un kamell gar dren te dikell, hoi latcho leske wals.

Gosewe laba 30:2

Har i viecho hom, un menshengro goswepen hi man kek.

Gosewe laba 8:17

Me kamau kolen, kai man kamenn. Un kolla, kai rodenn man o djijestar, kolla hatsenn man ninna.

Gosewe laba 8:32

Doleske, mire tchawe, shunenn ap mande! Bachtele hi kolla, kai ap miro drom djana!

Gosewe laba 8:36

Kowa, kai gar pash mande well, krell peskro djipen paash. Hakeno, kai kamell tchi mandar te djinell, hi ap o drom, hoi anell an o merepen.

Jesaja 1:3

Haki grumni prindjrell koles, koneske joi hi. Un haki burika djinell koi platsa, kai lakro rai dell lat te chal. O Israel prindjrell kowa gar. Mire menshe haiwenn kowa gar.

3. Mose 13:10

Te dikell ko rashai palle, te hi ko dukepen parno un pesso, un i balla an ko dukepen wan parno, un ko dukepen hi pre un lolo,

2. Tessalonikarja 2:10

Un chochepah anell lo kolen ap o tchilatcho drom, kai djan nashedo. Kolla hi kol menshe, kai kaman gar o tchatchepen te shunell. Te patsans le o tchatchepen, nai wans le win lino dran o tchilatchepen un o merepen.