Gosewe laba 11:29 - O Debleskro Drom 2021 (Sinte)

²⁹ Kowa, kai gar jak dell ap peskro kheer un ap peskri familja, pral koleste well i phurdepen, hoi lauter krik phurdell. Un ko dinelo well palle o budepaskro kolestar, koles i gosewo dji hi.

O Debleskro Lab 2024 (Sinte-Manouche)

²⁹ Kova, kay gar yak dell ap peskro kheer oun ap peskri familya, pral koleste vell i phourdepen, hoy lauter krik phourdell. Oun ko dinelo vell palle o boudepaskro kolestar, koles i gosevo dji hi.

Gosewe laba 11:29 ပူးပေါင်းရင်းမြစ်များ

1. Mose 34:30

Koi penas o Jakob ap o Simeon un ap o Levi: “Tumer anan bibacht un ladj ap mande pash kolende, kai djiwenn an kau them: pash i Kanaanitarja un i Perisarja. Mer ham gar bud menshe. Te wenn jon lauter khetne un perenn pral mende, denn le men mulo. Un me merau miri tseli familjah.”

Gosewe laba 14:19

I tchilatche hunte witsrenn pen tele glan i latchende. Awa, jon hunte witsrenn pen tele glan i wudja kolendar, kai an o tchatchepen tardo hi.

Gosewe laba 15:27

Koon chochepah peskro brawlepen khetne lell, anell peskri familja an i bibacht. Koon mukell pes gar te ginell, sawo djiwell.

Sikepaskro 5:16

Peskro tselo djipen mukas lo pes gar mishto te djal. Bud pharo koowa djas leske an o shero trujel un kras leske daar. Un koi pashel was nasslepen un choli an leskro djipen.

Hosea 8:7

Kowa, hoi le krenn, hi har te tchiwans le i ducho an i phub un kek djob. Un hoi win well, hi i baro phurdepen. Kek djob well baro. Kowa hoi pre djal, anell kek jarro. Un te anals kowa jarro, wans wawar menshe un chans les pre.

1. Samuel 25:17

Un kanna dik, hoi tu gomme nai kreh! Te well tchi kerdo, palle well i bibacht pral maro rajeste un leskro tselo kheer. Ko patsau soreles. Job hi sau tchilatcho mensho, te nai rakrell jek leha gar.”

1. Samuel 25:3

Un ko mursh kharas Nabal un was i menshendar Kaleb. Job his jalo un tchilatcho an lauter, hoi job kras. Leskri romni kharas Abigajil. Joi his i gosewi un shukar djuwel.

1. Samuel 25:38

Un pal deesh diwessa, kote das o baro Dewel o Nabales, un job meras.