Gosewe laba 11:24 - O Debleskro Drom 2021 (Sinte)

²⁴ Kote hi jek, kowa dell un dell; un job lell budeder un budeder. Un kote hi i wawar, kowa hi tchinlo un dell tchi; un well tchorwleder.

O Debleskro Lab 2024 (Sinte-Manouche)

²⁴ Kote hi yek, kova dell oun dell; oun yob lell boudeder oun boudeder. Oun kote hi i vavar, kova hi činlo oun dell či; oun vell čorvleder.

Gosewe laba 11:24 ပူးပေါင်းရင်းမြစ်များ

2. Familjakro liil 31:10

Un o baro rashai Asarja dran o kheer Zadok, penas ap leste: “Fun ko tsiro, kai wan i menshe an o baro Debleskro kheer un anan leske, hoi lenge penlo was, cham un wam tchales, un ninna atchas bud pral. O baro Dewel tchiwas peskri bacht ap peskre menshende. Doleske atchas jaake bud chapen pral.”

Debleskri gili 112:9

Job dell bud i tchorwelen. Leskro tchatchepen atchell hako tsireske. Leskri soor un leskro railepen well baro.

Gosewe laba 11:18

I tchilatcho mensho lell peske sau koowa khetne, hoi leske gar atchell. Koon an o tchatchepen peskri budi krell, lell i plaissepen, hoi atchell.

Gosewe laba 11:23

Kowa, hoi kolla kamenn, kai o tchatchepen krenn, anell lenge latchepen. Un kowa, hoi i tchilatche kamenn, anell lenge o Debleskri choli.

Gosewe laba 11:25

Kones i baro dji i wawarenge hi, koleske well jaake bud dino, te well lo budeder har tchalo. Un kowa, kai i trusheles pani dell, koles well ninna pani dino.

Gosewe laba 13:7

Kote hi jek, kai krell, har te wals lo brawelo. Un les hi tchi. Un kote hi jek, kai krell, har te wals lo tchorwelo. Un les hi bud brawlepen.

Gosewe laba 19:17

Kowa, kai peskro dji pre krell un i tchorweles dell, kowa hi har jek, kai patsals o baro Debleske. Un o baro Dewel dell les ko latchepen pale, hoi lo kras.

Gosewe laba 28:27

Kowa, kai dell i tchorweleste, koles well doha djipaske. Kowa, kai jaake krell, har te dikell lo o tchorweles gar, pral koleste rakrenn bud i bibacht win.

Gosewe laba 28:8

Kowa, kai bare lowe kolendar lell, kolen pash leste sijaan hi, un krell pes koleha braweles, koleskro brawlepen lell sawo mensho, koles i baro dji i tchorwelenge hi un lende dell.

Sikepaskro 11:6

Doleske tchip o djob taissarla an i phub, un muk gar tele bis an i rati. Tu djineh gar, hoi bares wella, kawa te kowa, oder hake dui.

Haggai 1:6

Tumer budrenna ap tumari phub, un anenn gar bud dren. Tumer chan un wenn gar tchalo; tumer pijenn un tumari trush atchella; tumer riwenn tumen latches an, un tumenge well gar tates. Un kones lowe hi, kowa tchiwell len an i possita, kai i cheb dren hi.

Maleachi 3:8

Me putchau tumendar: Hi mishto i menshestar, te tchorell lo o Deblestar har tumer mandar tchorenna? Koi pre penenn tumer: ‘Hoi kram, har tchoram tutar?’ Tumer denn man gar o deshto halauterestar, hoi dren lan, witar gar kowa, hoi hunte dans i rashajende.

Louka 6:38

Denn i menshen latcho koowa! Un o Dewel dell tumen latcho koowa! Awa, job dell tumen jaake bud, te hi tumen budeder har doha. Job dell tumen jaake bud, te nai lenn kowa gar lauter. Doleske penau tumenge: Tumer te denn bud, palle dell o Dewel tumen bud. Tumer te denn gar bud, palle dell o Dewel tumen gar bud.

5. Mose 15:10

De leste o djijestar! Ma ab bokelo! Palle dell tut tiro baro Dewel bacht an halauter, hoi kreh un tiro wast an taprell.