Gosewe laba 11:23 - O Debleskro Drom 2021 (Sinte)

²³ Kowa, hoi kolla kamenn, kai o tchatchepen krenn, anell lenge latchepen. Un kowa, hoi i tchilatche kamenn, anell lenge o Debleskri choli.

O Debleskro Lab 2024 (Sinte-Manouche)

²³ Kova, hoy kolla kamenn, kay o čačepen krenn, anell lenge lačepen. Oun kova, hoy i čilače kamenn, anell lenge o Debleskri rholi.

Gosewe laba 11:23 ပူးပေါင်းရင်းမြစ်များ

Debleskri gili 10:17

Kowa, hoi i tchorwele tutar mangenna, shuneh tu, mo baro Dewel. Tu kreh lengro dji sorelo, un tiro kand hi lenge pre.

Debleskri gili 119:10

Miro tselo djijeha rodau tut. Ma muk man te mukap tire laba.

Debleskri gili 119:5

An miro tselo djipen kamoms te krap, hoi mandar kameh.

Debleskri gili 27:4

Jek koowa mangau miro baro Deblestar, kowa kamaus me lestar, te nai atchoms an leskro kheer jaake rah har me djiwau, te nai dikap o tselo tsiro leskro shukapen, un nai putchap pal leskro kamlepen an leskro kheer.

Debleskri gili 37:4

Rode tiri bacht pash o baro Debleste, palle dell job tut lauter, hoi tiro dji kamella.

Gosewe laba 10:28

Kowa, kai i latche pre dikenna, te well len, kowa well lenge dino; un jon wenn bachtelo. Kowa, kai i tchilatche pre dikenn, te well len, kowa well gar.

Gosewe laba 11:24

Kote hi jek, kowa dell un dell; un job lell budeder un budeder. Un kote hi i wawar, kowa hi tchinlo un dell tchi; un well tchorwleder.

Gosewe laba 11:7

Ap ko diwes, kai merell o tchilatcho, merell ninna kowa, kai lo peskro dji pre tchiwas. Kowa, hoi leske bud moldo his, hi tchitcheske.

Gosewe laba 12:5

O Debleskre menshe kamenn o tchatchepen te krell. Tchilatche menshen hi tchi an o shero har chochepen.

Gosewe laba 13:2

I latcho mensho djiwell ko latchepastar, hoi dran leskre laba wella. I phukepangre bokenna pal o kurepen.

Jesaja 26:9

Ratsjake djal miro dji tuke palla, o ducho an mande rodell tut taissarlake. Te kreh tu o tchatchepen win ap i phub, palle dikenn lauter, kai ap i phub djiwenn, hoi tchatchepen hi.

Jeremia 17:16

Tu djineh, me homs lenge har i bakrengro, un krom hoi mange penal. Me kamom gar, te well bibacht pral lende. Lauter, hoi lenge penom, djineh tu.

Mateo 5:6

Bachtele hi kolla, kai kanna pal o tchatchepen bokenna un trushenna. O Dewel krell len tchalo.

Hebrearja 10:27

Na-a, job hunte trashell ko diwes, kai well o Debleskri choli pral i phub un i soreli jag pral kolende, kai kaman lestar tchi te djinell.