Gosewe laba 11:11 - O Debleskro Drom 2021 (Sinte)

¹¹ O Debleskre menshe anenn o Debleskri bacht pral o foro. Un o foro well sorelo. Dran o mui i tchilatchendar well sau rakepen, hoi phagell o foro tele.

O Debleskro Lab 2024 (Sinte-Manouche)

¹¹ O Debleskre menshe anenn o Debleskri barht pral o foro. Oun o foro vell zorelo. Dran o mouy i čilačendar vell sau rakepen, hoy phagell o foro tele.

Gosewe laba 11:11 ပူးပေါင်းရင်းမြစ်များ

1. Mose 45:8

Jaake han gar tumer, kai anan man kate. O Dewel anas man kai. Un job kras man dad pral o baro rajeste an o them Egiptia un rai pral koleskro tselo kheer un pral o tselo them Egiptia.

2. Samuel 20:1

Kowa his jaake, kai koi an Gilgal i mursh his, kai tchi-moldo his. Leskro lab his Sheba. Leskro dad his o Bikri i menshendar Benjamin. O Sheba phurdas an i phurdepaskri un penas: “Tumer mursha dran Israel! O David hi gar mare menshendar. Men hi tchi te krell o Isajeskro tchaweha. Hakeno tumendar te djal an peskro kheer!”

Hiob 22:30

Ninna koles, kai doosh ap peste hi, lell lo dran o merepen win, dran kowa, kai tu kek tchilatchepen kreh.

Gosewe laba 11:10

Te djal i latchenge mishto, palle hi i menshe an o tselo foro bachtelo. I tchilatche, te merenn le, denn le an o foro gole i bachtjatar.

Gosewe laba 11:12

Koon praassell o wawares, hi narwelo. I gosewo mursh rikrell peskro mui.

Gosewe laba 14:34

Te well hakeneste peskro tchatchepen dino an jek them, palle well kau them an-diklo. Kote, kai i menshe o tchatcho dromestar tele djan, hunte ladjenn le pen.

Gosewe laba 28:2

Te hi bud tchilatchepen an o them, wenn ninna bud raja pre. Te well sawo mursh o rai, kai djinell bud un haiwell lauter mishto, palle hi o tchatchepen i rah tsiro an o them.

Gosewe laba 29:8

Kol pre-phurde, kai djinenn lauter feteder, krenn i tselo fores diwjes. I gosewe haiwenn, har te lenn le lengro tchingepen krik.

Sikepaskro 9:15

Un an ko foro his i tchorwelo, gosewo mursh. Peskro goswepah nai lals kowa ko foro win dran o wawareskro wast. Un kek his koi, kai rakras leha un putchas ko tchorwelo murshes.

Jakobo 3:6

I tchip hi har i jag. Lat hi i soor, te krell li bud tchilatcho koowa. I tchip nai krell o tselo menshes djungeles un tchilatches. Koi jag, hoi i tchip krell, chatchrell o tselo djipen, un well o bengestar.