Gosewe laba 11:10 - O Debleskro Drom 2021 (Sinte)

¹⁰ Te djal i latchenge mishto, palle hi i menshe an o tselo foro bachtelo. I tchilatche, te merenn le, denn le an o foro gole i bachtjatar.

O Debleskro Lab 2024 (Sinte-Manouche)

¹⁰ Te djal i lačenge mishto, palle hi i menshe an o tselo foro barhtelo. I čilače, te merenn le, denn le an o foro gole i barhtyatar.

Gosewe laba 11:10 ပူးပေါင်းရင်းမြစ်များ

2. Rajengro liil 11:20

Un i tsele menshe dran Juda his bachtelo. Un an o foro das kek kurepen, har maran le i Atalja o chareha pash o baro rajeskro kheer.

2. Familjakro liil 23:13

Un dikas o newo baro rajes ap peskri platsa an o wudar tardo. Un trul leste his i pralstune lurde un i phurdepangre tarde. Un i tsele menshe ko themestar his bachtelo, un i phurdepangre phurdan an pengre bashepangre. Ninna i gipangre his koi, un o bashepah ap pengre dorjengre bashepangre giwan le glan, un i menshe giwan lentsa. I Atalja tserdas peskre ripja an kotja un das gole: “Phukepen, Phukepen!”

2. Familjakro liil 23:21

Un i tsele menshe dran Juda his bachtelo. Un an o foro das kek kurepen, har maran le i Atalja o chareha.

Hiob 27:23

Ko ducho hi har jek, kai dell i wasta pral leste khetne, un dell shol har te sals lo pral leste, kai lo ninna djal.

2. Mose 15:21

Un i Mirjam giwas lenge glan: Me kamau te giwap i gili o baro Debleske. Baro un sorelo hi lo! Graja un mursha witsras lo an o baro pani.

Gosewe laba 11:11

O Debleskre menshe anenn o Debleskri bacht pral o foro. Un o foro well sorelo. Dran o mui i tchilatchendar well sau rakepen, hoi phagell o foro tele.

Gosewe laba 28:12

Te hi kolen penepaske, kai an o tchatchepen tardo hi, palle hi bachtelo tsiro. Te well i tchilatchen penepaske, palle khatrenn pen i menshe.

Gosewe laba 28:28

I tchilatche, te wenn le raja, palle khatrenn pen i menshe. Jon te merenn, palle wenn kolla budeder, kai o tchatchepen krenn.

Gosewe laba 29:2

Te hi bud menshe koi, kai an o tchatchepen tardo hi, palle hi i tsele menshe bachtelo. Te hi i tchilatcho o rai pral lende, palle hi i tsele menshenge ropaske.

Jeremia 51:48

O bolepen un i phub, un halauter, hoi kote dren hi, denn gole i bachtjatar, te perell o foro Babilon an i wasta kolendar, kai wenn dran ko them, hoi kote tchiddo hi, kai norden hi, te denn le o foro Babilon paash. Kowa penell o baro Dewel.

Čačepangre 5:31

Maro baro Dewel, jaake hunte merenn lauter, hoi tut gar kamenna. Kolla, kai kamenn tut o tselo djijestar, jon te wenna railo har o kham, har djal lo pre an peskri soor! Un pal kowa his an o them 40 (star-deesh) bersha kek kurepen.